മാവേലിക്കര: ഓൾ കേരള ഫോട്ടോഗ്രാഫേഴ്സ് അസോസിയേഷൻ ചെട്ടികുളങ്ങര യൂണിറ്റ് അർദ്ധവാർഷിക പൊതുയോഗവും തിരിച്ചറിയൽ കാർഡ് വിതരണ സമ്മേളനവും കേരള ലളിതകലാ അക്കാദമി സെക്രട്ടറി എൻ.ബാലമുരളി കൃഷ്ണൻ ഉദ്ഘാടനം ചെയ്തു. യൂണിറ്റ് പ്രസിഡന്റ് സിനോജ് സത്യാ അദ്ധ്യക്ഷനായി. എ.കെ.പി.എ മുൻ സംസ്ഥാന പ്രസിഡന്റ് ബി.രവീന്ദ്രൻ മുഖ്യപ്രഭാഷണവും മേഖല പ്രസിഡന്റ് യു.ആർ. മനു തിരിച്ചറിയൽ കാർഡ് വിതരണവും നടത്തി. സംസ്ഥാന കമ്മിറ്റി അംഗം സുരേഷ് ചിത്രമാലിക, ജില്ലാ സാന്ത്വനം കോ-ഓർഡിനേറ്റർ കൊച്ചുകുഞ്ഞ് കെ.ചാക്കോ, മേഖല സെക്രട്ടറി ഹേമദാസ് ഡോൺ, മേഖല വൈസ് പ്രസിഡന്റ് ബിനു വൈഗ, മേഖല ട്രഷറർ ശശിധരൻ ഗീത്, പി.ആർ.ഓ ഷൈജാ തമ്പി, യൂണിറ്റ് സെക്രട്ടറി ടെനിബി ജോർജ്, വൈസ് പ്രസിഡന്റ് സുധാകരൻ കാമിയോ, ട്രഷറർ ആർ.ദാസ് എന്നിവർ സംസാരിച്ചു.