ചേർത്തല: രാജ്യത്തെ പ്രതിപക്ഷ നേതാക്കളെയെല്ലാം ഇ.ഡിയെ ഉപയോഗിച്ച് ഇല്ലായ്മ ചെയ്യാൻ ശ്രമിക്കുന്ന ബി.ജെ.പി, കേരളത്തിൽ മുഖ്യമന്ത്റിയെയും മകളെയും സംരക്ഷിക്കുന്നുവെന്ന് കർണാടക ഉപമുഖ്യമന്ത്റി ഡി.കെ.ശിവകുമാർ. ആലപ്പുഴയി​ലെ യു.ഡി​.എഫ് സ്ഥാനാർത്ഥി​ കെ.സി.വേണുഗോപാലിന്റെ തിരഞ്ഞെടുപ്പ് പ്രചാരണം ചേർത്തലയിൽ ഉദ്ഘാടനം ചെയ്യുകയായിരുന്നു അദ്ദേഹം.

കർണാടകയിൽ ബി.ജെ.പി സഖ്യകക്ഷിയായ ജെ.ഡി.എസിന്റെ കേരളത്തിലെ പ്രതിനിധിയെ മന്ത്റിസഭയിൽ നിന്നുമാ​റ്റാത്തതി​ൽ മുഖ്യമന്ത്റി മറുപടി പറയുമോ. ശമ്പളം പോലും മുടക്കുന്ന അവസ്ഥയിലേക്കെത്തിച്ചതാണ് കേരളത്തിലെ ഇടതു ഭരണത്തിന്റെ നേട്ടമെന്നും അദ്ദേഹം പറഞ്ഞു.

ഇന്ത്യ മുന്നണി ഭരിക്കണമെങ്കിൽ കോൺഗ്രസ് തന്നെ ജയിക്കണമെന്ന് കെ.സി.വേണുഗോപാൽ പറഞ്ഞു. മുഖ്യമന്ത്റി പിണറായി വിജയൻ രാഹുൽഗാന്ധിയെ കടന്നാക്രമിക്കുന്നത് ആരെ സന്തോഷിപ്പിക്കാനാണെന്ന് വ്യക്തമാണ്. ഇവിടെ രാഹുൽ ഗാന്ധിയെ ചീത്തവിളിക്കുമ്പോൾ തമിഴ്നാട്ടിലടക്കം സി.പി.എമ്മുകാർ രാഹുലിന്റെ ചിത്രവുമായാണ് വോട്ടു ചോദിക്കുന്നതെന്ന യാഥാർത്ഥ്യം മറക്കരുത്.