ആലപ്പുഴ : മുൻ വൈസ് ചാൻസലറും മുൻ ആസൂത്രണ ബോർഡ് അംഗവുമായ ഡോ.ബി.ഇക്ബാലിനെ നോബൽ ഫോർ മാത്സ് ഇന്റർനാഷണൽ സൈൻ ക്യാമ്പയിന്റെ രക്ഷാധികാരിയായി തിരഞ്ഞെടുത്തു.
ഗണിതശാസ്ത്രത്തിന് നോബൽ സമ്മാനം നൽകണമെന്ന് ആവശ്യപ്പെട്ട് 100 ലേറെ രാജ്യങ്ങളിൽ സൈൻ കാമ്പയിൻ നടത്തുന്ന അന്താരാഷ്ട്രപ്രസ്ഥാനമാണ് നൊബേൽ ഫോർ മാത്സ്. കാമ്പയിൻ ചീഫ് കോർഡിനേറ്റർ എൽ.സുഗതൻ, ജിതേഷ് ജി, അനിൽ അടൂർ, ഡോ.അശോക് കുമാർ, ജോജി തോമസ്, ഡോ.അരുൺ ജി കുറുപ്പ് എന്നിവരടങ്ങിയ സൗത്ത് സോൺ കൊളീജിയമാണ് ഡോ.ബി.ഇക്ബാലിനെ തിരഞ്ഞെടുത്തത്.