ചേർത്തല:പെന്തെകോസ്തു ദൈവസഭ താലൂക്കിലെ സഭകളുടെ സംയുക്ത വാർഷിക കൺവെൻഷനും ബൈബിൾ കൺവെൻഷനും സംഗീതവിരുന്നും 12 മുതൽ 14വരെ ചേർത്തല വി.ടി.എ.എം ഹാളിൽ നടക്കും. വൈകിട്ട് ആറുമുതൽ ഒമ്പതുവരെയാണ് കൺവെൻഷൻ.
മദ്യത്തിനും മയക്കുമരുന്നിനുമെതിരായ പ്രചരണവും കുടുംബസമാധാനവും ലക്ഷ്യമിട്ടുള്ള ബൈബിൾ കൺവെൻഷനുള്ള ഒരുക്കങ്ങൾ പൂർത്തിയായതായി ചേർത്തല സെന്റർ മിനിസ്​റ്റർ പാസ്​റ്റർ സാബു തോമസ്,ഒ.പി അഗസ്​റ്റിൻ,സാജൻ.ജെ.സാമുവേൽ,സി.സി.അനിൽകുമാർ,കെ.ഒ.ജോർജ്ജ് എന്നിവർ വാർത്താ സമ്മേളനത്തിൽ അറിയിച്ചു. 12ന് വൈകിട്ട് പാസ്​റ്റർ സാബുതോമസ് കൺവെൻഷൻ ഉദ്ഘാടനം ചെയ്യും. പാസ്​റ്റർമാരായ എബി എബ്രഹാം പത്തനാപുരം,തോമസ് ഫിലിപ്പ് വെണ്മണി,ലാസർ.വി.മാത്യു,എം.ജി.ചാക്കോ എന്നിവർ നയിക്കും.ദിവസേന 1000പേരാണ് കൺവെൻഷനിൽ പങ്കെടുക്കുന്നത്.14ന് രാവിലെ 10 മുതൽ സംയുക്ത ആരാധനാ കൺവെൻഷനും നടക്കും.