ചേർത്തല:പറയകാട് നാലുകുളങ്ങര മഹാദേവീക്ഷേത്രത്തിലെ പുനർനിർമ്മാണ പ്രവർത്തനങ്ങൾക്ക് 15ന് തുടക്കമാകും. പുതിയക്ഷേത്രത്തിന്റെ കല്ലിടൽകർമ്മം 15ന് രാവിലെ 9നും 9.30നും മദ്ധ്യേ ശിവഗിരി മഠാധിപതി സ്വാമി സച്ചിദാനന്ദ നിർവഹിക്കും.ഭക്തജന സഹകരണത്തിൽ അഞ്ചുകോടി ചെലവു പ്രതീക്ഷിക്കുന്ന പ്രവർത്തനങ്ങളാണ് ദേവസ്വവും ക്ഷേത്ര പുനർനിർമ്മാണ കമ്മി​റ്റിയും ഏ​റ്റെടുത്തിരിക്കുന്നത്.അത്തിമ​റ്റം മംഗലത്ത് മന പ്രദീപ് നമ്പൂതിരിയുടെ നേതൃത്വത്തിൽ നടന്ന അഷ്ടമംഗല ദേവ പ്രശ്നം വിധിപ്രകാരമാണ് പുനർനിർമ്മാണം.
രണ്ടുവർഷത്തിനുള്ളിൽ പൂർത്തിയാകുന്ന തരത്തിലുള്ള പ്രവർത്തനങ്ങളാണ് ലക്ഷ്യമിടുന്നതെന്ന് പുനർ നിർമ്മാണ കമ്മി​റ്റി ചെയർമാൻ പി.ഡി.ലക്കി,ദേവസ്വം പ്രസിഡന്റ് തിരുമലവാസുദേവൻ,ഫൈനാൻസി കമ്മി​റ്റി ചെയർമാൻ മധുസൂദനൻ കണ്ടത്തിൽ,ദേവസ്വം സെക്രട്ടറി എൻ.പി പ്രകാശൻ എന്നിവർ പറഞ്ഞു.ഭിത്തി പൂർണ്ണമായും കൃഷ്ണശിലയിൽ തീർത്ത് മേൽക്കൂര ചെമ്പ് പാകി തേക്കിൻ തടിയിൽ ധ്വജവുമുൾപ്പെടെയാണ് പുതിയക്ഷേത്രം രൂപകല്പന ചെയ്തിട്ടുള്ളത്.