ആലപ്പുഴ: തിരഞ്ഞെടുപ്പിന് പത്തുനാൾ മാത്രം ശേഷിക്കെ ആലപ്പുഴ,​ മാവേലിക്കര ലോക്സഭാ മണ്ഡലങ്ങളിൽ പൊടിപൊടിച്ച് പ്രചാരണം. മേടച്ചൂട് കൂസാതെ മണ്ഡലങ്ങളിൽ സ്ഥാനാർത്ഥി സ്വീകരണ പരിപാടികൾ പുരോഗമിക്കുന്നതിനിടെ മൂന്നുമുന്നണികളുടെയും ദേശീയ,​സംസ്ഥാന നേതാക്കൾകൂടി കളത്തിലിറങ്ങിയതോടെ നാടാകെ വോട്ടാവേശത്തിലായി. 23ന് പരസ്യപ്രചാരണം അവസാനിക്കാനിരിക്കെ കൊട്ടിക്കലാശം വരെ ഇനിയുള്ള ദിവസങ്ങൾ തീപാറും. ​പാ​നൂ​രും പൗ​ര​ത്വ​വും മു​ത​ൽ കേ​ര​ള സ്​​റ്റോ​റി​യും തൃ​പ്പൂ​ണി​ത്തു​റ​യും വ​രെ കൊ​ണ്ടും കൊ​ടു​ത്തും സം​സ്ഥാ​ന​ത്ത്​ തി​ര​ഞ്ഞെ​ടു​പ്പ്​ ചൂ​ട്​ അതിന്റെ പാ​ര​മ്യ​ത്തി​ലെത്തിച്ച് വോട്ടർമാരുടെ മനസിളക്കുകയാണ് ലക്ഷ്യം. പ്രധാന മന്ത്രിയും രാഹുൽ ഗാന്ധിയുമുൾപ്പെടെ ദേശീയ നേതാക്കളും മു​ഖ്യ​മ​ന്ത്രി​യും പ്ര​തി​പ​ക്ഷ നേ​താ​വുമുൾപ്പെടെ സംസ്ഥാന നേതാക്കളും മ​ണ്ഡ​ല​

പ​ര്യ​ട​ന​ത്തി​ലാ​ണ്.

പൗ​ര​ത്വം മുതൽ പാ​നൂ​ർ വരെ

20 മ​ണ്ഡ​ല​ങ്ങ​ളി​ലും ഇ​ട​തു​ത​രം​ഗ​മെ​ന്നാ​ണ്​ മു​ഖ്യ​മ​ന്ത്രി​യു​ടെ ​അ​വ​കാ​ശ​വാ​ദം. എ​ന്നാ​ൽ, വിട്ടുകൊടുക്കാൻ യു.ഡി.എഫും തയ്യാറല്ല. 20 സീറ്റും നേടുമെന്നാണ് അവരുടെ ആ​ത്മ​വി​ശ്വാ​സം. കേ​ര​ള​ത്തി​ൽ അ​ക്കൗ​ണ്ട്​ തു​റ​ക്കാ​ൻ വി​യ​ർ​പ്പൊ​ഴു​ക്കു​ക​യാ​ണ്​ ബി.​ജെ.​പി. ന്യൂ​ന​പ​ക്ഷ വോ​ട്ടു​ക​ൾ ല​ക്ഷ്യ​മി​ട്ട് മ​ണി​പ്പൂ​രും പൗ​ര​ത്വ നി​യ​മ​ഭേ​ദ​ഗ​തി​യു​മെ​ല്ലാം നേ​ര​ത്തേ​ത​ന്നെ ച​ർ​ച്ച​വി​ഷ​യ​മാ​ണ്. മു​ഖ്യ​മ​ന്ത്രി​യും മു​ന്ന​ണി​യും സി.​എ.​എ റാ​ലി​ക​ളു​മാ​യി മ​ണ്ഡ​ല​ങ്ങ​ളി​ൽ നി​റ​ഞ്ഞ​പ്പോ​ൾ ബി.​ജെ.​പി​യെ​യും സം​സ്ഥാ​ന സ​ർക്കാരി​നേ​യും ക​ട​ന്നാ​ക്ര​മി​ച്ചാ​ണ്​ യു.​ഡി.​എ​ഫ്​ ക​ളം നി​റ​ഞ്ഞ​ത്.

പൗ​ര​ത്വം വി​ഷ​യ​ത്തി​ൽ സി.​പി.​എ​മ്മി​ന്​ ആ​ത്മാ​ർ​ഥ​ത​യി​​ല്ലെ​ന്നും പ്ര​ക്ഷോ​ഭ​കാ​ല​ത്ത്​ എ​ടു​ത്ത കേ​സു​ക​ൾ പി​ൻ​വ​ലി​ക്കാ​ത്ത​ത്​ ഇ​തി​നു​ തെ​ളി​വാ​ണെ​ന്നു​മു​ള്ള പ്ര​തി​പ​ക്ഷ ആ​രോ​പ​ണ​ങ്ങ​ൾ​ക്ക്​ മ​റു​പ​ടി​യാ​യാ​ണ്​ കോ​ൺ​ഗ്ര​സ്​ പ്ര​ക​ട​ന​പ​ത്രി​ക സി.​പി.​എം ച​ർ​ച്ച​യാ​ക്കി​യ​ത്. എ​ന്നാ​ൽ, പ​ത്രി​ക​യു​ടെ എ​ട്ടാം പേ​ജി​ൽ വി​ഷ​യം പ​രാ​മ​ർ​ശി​ച്ചി​ട്ടു​ണ്ടെ​ന്നാ​യി​രു​ന്നു​ പ്ര​തി​പ​ക്ഷ​ത്തി​ന്റെ മ​റു​പ​ടി. ക​ഴി​ഞ്ഞ 10 വ​ർഷ​ത്തി​നി​ടെ ഭ​ര​ണ​ഘ​ട​നാ വ്യ​വ​സ്ഥ ലം​ഘി​ച്ച് ഉ​ണ്ടാ​ക്കി​യ നി​യ​മ​ങ്ങ​ളെ​ല്ലാം കോ​ൺഗ്ര​സ് അ​ധി​കാ​ര​ത്തിലെത്തി​യാ​ൽ റ​ദ്ദാ​ക്കു​മെ​ന്ന് വ്യ​ക്ത​മാ​ക്കി​യി​ട്ടു​ണ്ടെ​ന്ന​ത്​ ചൂ​ണ്ടി​ക്കാ​ട്ടി​യാ​ണ്​ പ്ര​തി​രോ​ധം. രാ​ഷ്ട്രീ​യ​ത്തി​ന​പ്പു​റം എ​ല്ലാ​റ്റി​നും കാ​ര​ണം കേ​ന്ദ്ര​സർക്കാ​ർ ആ​ണെ​ന്ന് ആ​വ​ർത്തി​ച്ച് ആ​രോ​പി​ച്ചും പി​ന്തു​ണ ഉ​റ​പ്പി​ക്കാ​നു​ള്ള അ​ട​വു​ന​യ​മാ​ണ് അ​വ​സാ​ന ലാ​പ്പി​ൽ ഇ​ട​തു​മു​ന്ന​ണി പ​യ​റ്റു​ന്ന​ത്.

പാ​നൂ​ർ ഉ​യ​ർ​ത്തി അ​ക്ര​മ​രാ​ഷ്ട്രീ​യം ച​ർ​ച്ച​യാ​ക്കു​​ന്ന​തി​നൊ​പ്പം ന്യൂ​ന​പ​ക്ഷ വോ​ട്ടു​ക​ൾ നി​ർ​ണാ​യ​ക​മാ​യ കേ​ര​ള​ത്തി​ൽ ദേ​ശീ​യ സാ​ഹ​ച​ര്യ​ങ്ങ​ൾ മു​ൻ​നി​ർ​ത്തി കോ​ൺ​ഗ്ര​സി​ന്​ പ​ര​മാ​വ​ധി വോ​ട്ടു​കി​ട്ടേ​ണ്ട​തി​ന്റെ ആ​വ​ശ്യ​ക​ത ഊ​ന്നി​പ്പ​റ​ഞ്ഞു​മാ​ണ്​ യു.​ഡി.​എ​ഫ്​ നീ​ക്കം.

മണ്ഡലങ്ങളിലുടനീളം സ്ഥാനാർത്ഥികളും പ്രവർത്തകരും പലതവണ പര്യടനം പൂർത്തിയാക്കിയെങ്കിലും അവസാന ദിവസം വരെ പരമാവധി ആളുകളെ കണ്ട് വോട്ടഭ്യർത്ഥിക്കുകയാണ് ലക്ഷ്യം. മണ്ഡല പര്യടനങ്ങൾക്ക് പുറമേ
പൊതുയോഗങ്ങൾ,​ കുടുംബയോഗങ്ങൾ,​ ഭവന സന്ദർശനം തുടങ്ങിയ പരിപാടികളാണ് മുന്നണികൾ നിശ്ചയിച്ചിട്ടുള്ളത്. 23നാണ് പരസ്യപ്രചരണം അവസാനിക്കുന്നത്.

രാഹുൽ,​പ്രിയങ്ക,​യെച്ചൂരി...

പൊതു സമ്മേളനങ്ങളിലും യോഗങ്ങളിലും സീതാറാം യെച്ചൂരി,​ പ്രകാശ് കാരാട്ട്,​ ഡി.രാജ,​ സുഭാഷിണി അലി തുടങ്ങിയ ദേശീയ നേതാക്കൾക്ക് പുറമേ സി.പി.എം സംസ്ഥാനസെക്രട്ടറി എം.വി. ഗോവിന്ദൻ ഉൾപ്പെടെയുള്ള സംസ്ഥാന- ജില്ലാനേതാക്കളും പ്രചരണത്തിനെത്തും. തീരദേശ മണ്ഡമായ ആലപ്പുഴയിൽ കരുനാഗപ്പള്ളി മുതൽ അരൂർ‌ വരെ മണ്ഡല പര്യടനം,​ റോഡ് ഷോ എന്നിവയും എൽ.ഡി.എഫ് ലക്ഷ്യമിടുന്നുണ്ട്. രാഹുലും പ്രിയങ്കയുമുൾപ്പെടെയുള്ള ദേശീയ നേതാക്കളെ ഇറക്കാനാണ് കോൺഗ്രസ് പദ്ധതി. എ ക്ളാസ് മണ്‌ഡലമായി ഉയർത്തപ്പെട്ടതോടെ ബി.ജെ.പിയുടെ മുതിർന്ന നേതാക്കളെല്ലാം ആലപ്പുഴയിൽ സജീവമായുണ്ട്. ബി.ജെ.പി സംസ്ഥാന സംസ്ഥാന നേതാക്കളായ ശിവശങ്കരൻ,​ കുമ്മനം രാജശേഖരൻ,​ ഡോ.പ്രമീളാദേവി,​ വി.ടി.രമ,​ സിനിമ താരം വിവേക് ഗോപൻ തുടങ്ങിയവരും ബി.ജെ.പിക്കായി പ്രചരണത്തിനുണ്ട്.