ആലപ്പുഴ: തിരഞ്ഞെടുപ്പിന്റെ ഭാഗമായി പൊതുസ്ഥലങ്ങളിൽ സ്ഥാപിച്ച 33,135 അനധികൃത പ്രചാരണ ബോർഡുകളും പോസ്റ്ററുകളും ചുവരെഴുത്തുകളും മാതൃക പെരുമാറ്റച്ചട്ട ലംഘനം കണ്ടെത്തിയതിനെത്തുടർന്ന് ഫ്‌ലൈയിംഗ് സ്‌ക്വാഡുകൾ നീക്കം ചെയ്തു. സർക്കാർ കെട്ടിടങ്ങളിലും പൊതുമേഖലാസ്ഥാപനങ്ങളുടെ അധീനതയിലുള്ള ഭാഗങ്ങളിലും തിരഞ്ഞെടുപ്പ് പെരുമാറ്റ ചട്ടപ്രകാരം രാഷ്ട്രീയ പോസ്റ്ററുകളും പ്രചാരണ സാമഗ്രികളും പതിക്കുന്നത് വിലക്കിയിട്ടുണ്ട്. സ്വകാര്യ വ്യക്തിയുടെ ഭൂമിയിലും അനുവാദമില്ലാതെ തിരഞ്ഞെടുപ്പ് പോസ്റ്ററുകളോ എഴുത്തുകളോ പതിക്കുന്നത് വിലക്കിയിട്ടുണ്ട്.