ചാരുംമൂട്: ചത്തിയറ ശക്തികുളങ്ങര ശ്രീ ഭുവനേശ്വരി ദേവീക്ഷേത്രത്തിലെ പത്താമുദയ മഹോത്സവം ഇന്ന് വർണ്ണാഭമായ കെട്ടുകാഴ്ചയോടെ സമാപിക്കും. ഇന്ന് രാവിലെ 7ന് തിരുവാഭരണച്ചാർത്തും തെക്കേത്തളത്തിൽ വല്യച്ഛന് പൂജയും,വൈകിട്ട് 3.30 ന് കെട്ടുത്സവം. ക്ഷേത്രവുമായി ബന്ധപ്പെട്ട കെട്ടുത്സവ സമിതികൾ ഒരുക്കുന്ന കെട്ടുകാഴ്ചകൾ റേഡിയോ ജംഗ്ഷനിൽ കേന്ദ്രീകരിക്കും. ജീവിത എഴുന്നള്ളി കെട്ടുകാഴ്ചകളെ ക്ഷേത്രത്തിലേക്ക് ആനയിക്കും. തുടർന്ന് കെട്ടുകാഴ്ചകൾ യഥാക്രമം ക്ഷേത്രാങ്കണത്തിൽ അണിനിരക്കും.രാത്രി 6.30 ന് വേലകളി, 8.30 ന് എതിരേൽപ്പ്.