ഹരിപ്പാട് : റിയാദിൽ തീപ്പൊള്ളലേറ്റ് മരിച്ച യുവാവിന്റെ മൃതദേഹം ഇന്ന് നാട്ടിലെത്തിക്കും. കാർത്തികപ്പള്ളി മഹാദേവികാട് പാണ്ട്യാലയിൽ പടീറ്റതിൽ രവീന്ദ്രന്റെ മകൻ രജിൽ ( പിങ്കു 28 ) ആണ് മരിച്ചത്. 2023 ഡിസംബർ 11ന് റിയാദിലെ റഹ്ഫ പട്ടണത്തിൽ ഇലക്ട്രിക്കൽ ജോലിക്കിടയിൽ തീപ്പൊള്ളലേൽക്കുകയായിരുന്നു. തുടർന്ന് ചികിത്സയ്ക്കിടയിൽ മരിച്ചു. ഇന്ന് പുലർച്ചെ നെടുമ്പാശ്ശേരി വിമാനത്താവളത്തിൽ എത്തിക്കുന്ന മൃതദേഹം വീട്ടിലെത്തിച്ച് വൈകിട്ട് 3ന് സംസ്കരിക്കും. അവിവാഹിതനാണ്. മാതാവ് ജഗദമ്മ. സഹോദരൻ: സജിൽ.