ചേർത്തല : മാടയ്ക്കൽ സെന്റ് ജോസഫ് പള്ളിയിൽ ഇടവക മദ്ധ്യസ്ഥനായ വിശുദ്ധ ഔസേപ്പിതാവിന്റെ തിരുന്നാളിന് ഒരുക്കമായി നെവോന ആരംഭിച്ചു. മേയ് ഒന്നിന് രാവിലെ 8ന് ദിവ്യബലി ആദ്യകുർബാന സ്വീകരണം,സ്ഥൈര്യലേപനം ഫാ. സെബാസ്​റ്റ്യൻ പൊട്ടോളി കാർമ്മികത്വം വഹിക്കും. 2ന് വൈകിട്ട് 6ന് വൈദികർക്കും ഇടവകക്കും സന്യസ്തർക്കുമായി ദിവ്യബലി. മൂന്നിന് വൈകിട്ട് ആറിന് വിശുദ്ധ കുർബാന ഫാ.ജിത്തു കുരിക്കാവെളി കാർമ്മികത്വം വഹിക്കും.തുടർന്ന് മുട്ടം സെന്റ് മേരീസ് ഫൊറോന വികാരി ഫാ.ആന്റോ ചേരാംതുരുത്തി തിരുന്നാൾ കൊടിയേ​റ്റും. നാലിന് വൈകിട്ട് 4.45 ന് രൂപം എഴുന്നള്ളിച്ച് വയ്ക്കൽ, ദിവ്യബലി കാർമികൻ ഫാ.മാർട്ടിൻ പൂണോളി.5ന് തിരുന്നാൾ ദിനം.
വൈകിട്ട് 5ന് ആഘോഷമായ തിരുന്നാൾ ദിവ്യബലി ഫാ.പോൾസൺ പേരെപാടൻ കാർമ്മികത്വം വഹിക്കും. ഫാ.ജിമ്മി പൂച്ചൂക്കാട്ട് സന്ദേശം നൽകും.തുടർന്ന് പ്രദക്ഷിണം.