അമ്പലപ്പുഴ: കരുമാടിയിൽ കാർ ഇടിച്ച് പരിക്കേറ്റ് ചികിത്സയിലായിരുന്ന സ്കൂട്ടർ യാത്രക്കാരൻ മരിച്ചു. കരുമാടി വടക്കേ പുതുക്കോടം വീട്ടിൽ പരേതനായ സുകുമാര കൈമളിന്റേയും വിജയകുമാരിയുടേയും മകൻ ഗിരീഷ് കുമാർ (കണ്ണൻ, 49) ആണ് മരിച്ചത്.ഞായറാഴ്ച രാവിലെ കരുമാടി ഗുരുമന്ദിരം ജംഗ്ഷനിൽ സ്കൂട്ടറിൽ എത്തി ആർ.ഒ പ്ലാന്റിൽ നിന്നും വെള്ളം ശേഖരിച്ച് മടങ്ങവെ ഓട്ടോറിക്ഷയെ മറികടന്ന് വന്ന കാർ ഇടിക്കുകയായിരുന്നു. ഉടൻ തന്നെ നാട്ടുകാർ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും പിന്നീട് എറണാകുളത്തെ സ്വകാര്യ ആശുപത്രിയിലേക്ക് മാറ്റി. തിങ്കളാഴ്ച ഉച്ചയോടെ മരിച്ചു. ഭാര്യ: സജിതാദേവി . മക്കൾ: ദേവിക, ദേവനന്ദൻ. സഹോദരൻ: ശ്യാം കുമാർ.സംസ്ക്കാരം ഇന്ന് ഉച്ചയ്ക്ക് 2 മണിക്ക് വീട്ടുവളപ്പിൽ.