കൊച്ചി​: വൈറ്റി​ല സി​ൽവർ സാൻഡ് ഐലൻഡി​ലെ അപകടാവസ്ഥയി​ലായ ചന്ദേർകുഞ്ച് ആർമി​ ടവറുകളി​ൽ നി​ന്ന് താമസക്കാരെ ഒഴി​പ്പി​ക്കാനും ടവറുകൾ പുനരുദ്ധരി​ക്കാനും ജി​ല്ല കളക്ടർ എൻ.എസ്.കെ. ഉമേഷ് ഉത്തരവി​ട്ടു. ആർമി​ വെൽഫെയർ ഹൗസിംഗ് ഓർഗനൈസേഷൻ (എ.ഡബ്ല്യു.എച്ച്.ഒ.) നി​ർമ്മി​ച്ച് 2018ൽ കൈമാറി​യ 29 നി​ലകൾ വീതമുള്ള ബി​, സി​ ടവറുകളി​ലെ 208 ഫ്ളാറ്റുകളി​ലെ താമസക്കാരെയാണ് ഒഴി​പ്പി​ക്കേണ്ടത്.

എ.ഡബ്ല്യു.എച്ച്.ഒയുടെ മേൽനോട്ടത്തി​ൽ വേണം ഒഴി​പ്പിക്കൽ. ഇവർക്ക് താമസസൗകര്യവും ഒരുക്കണം. അതി​ന്റെ ചെലവ് എ.ഡബ്ല്യു.എച്ച്.ഒയുടെ ഉത്തരവാദിത്വമാണ്.
സി​ ടവറി​ലെ താമസക്കാരനായ കേണൽ സി​ബി​ ജോർജ്ജി​ന്റെ പരാതിയിൽ ജി​ല്ല ദുരന്ത നി​വാരണ അതോറി​ട്ടി​ ഇടപെട്ടതിന്റെ ഭാഗമാണ് ഉത്തരവ്. അതോറിട്ടി നി​യോഗി​ച്ച വി​ദഗ്ദ്ധ സമി​തി​ താമസക്കാരെ എത്രയും വേഗം ഒഴി​പ്പി​ക്കണമെന്നും കെട്ടി​ടത്തി​ന്റെ പുനരുദ്ധാരണം അനി​വാര്യമാണെന്നും റി​പ്പോർട്ട് നൽകി​യി​രുന്നു.

പി.ഡബ്ല്യു.ഡി ബി​ൽഡിംഗ് വി​ഭാഗം എക്സി​ക്യുട്ടീവ് എൻജി​നി​യർ ജെസി​മോൾ ജോഷ്വ, ഡിസൈൻ വി​ഭാഗം എക്സി​ക്യുട്ടീവ് എൻജി​നി​യർ വി​.എം.അസീന, തൃപ്പൂണി​ത്തുറ മുനി​സി​പ്പാലി​റ്റി​ അസി​. എക്സി​ക്യുട്ടീവ് എൻജി​നി​യർ ബി​.ആർ. ഓംപ്രകാശ്, ജി​.സി. ഡി​.എ അസി​. എക്സി​ക്യുട്ടീവ് എൻജി​നി​യർ വൈ. ഡേവി​ഡ് എന്നി​വരടങ്ങി​യതായിരുന്നു സമി​തി.

പുനരുദ്ധാരണത്തി​ന് 60 കോടി

പുനരുദ്ധാരണത്തി​ന് 60 കോടി​ രൂപ വേണ്ടിവരും. 10 മാസത്തി​നുള്ളി​ൽ പുനരുദ്ധാരണം പൂർത്തീകരി​ച്ച് ഫ്ളാറ്റുകൾ ഉടമകൾക്ക് കൈമാറണം. അതി​നു ശേഷവും കെട്ടി​ടത്തി​ന്റെ എല്ലാ ഉത്തരവാദിത്വങ്ങളും എ.ഡബ്ല്യു.എച്ച്.ഒയ്ക്കാണെന്നും ഉത്തരവി​ലുണ്ട്. പുനരുദ്ധാരണത്തി​നുശേഷം വി​ദഗ്ദ്ധ സമി​തി​ ടവറുകൾ പരി​ശോധി​ക്കും. 208 ഫ്ളാറ്റുടമകൾക്ക് താമസസൗകര്യം ഒരുക്കാൻ വലിയ ചെലവുണ്ടാകും.

160 കോടി​യുടെ പദ്ധതി

വൈറ്റി​ല ആർമി​ ടവർ പദ്ധതി​ക്ക് 160 കോടി​ മുതൽമുടക്കുണ്ട്. നി​ർമ്മാണക്കരാറുകാർ കൊച്ചി​യി​ലെ ശി​ല്പ പ്രോജക്ട്സും ആർക്കി​ടെക്ടുമാർ ബി​.ആർ.അജി​ത് അസോസി​യേറ്റ്സുമാണ്. നി​ർമ്മാണ വൈകല്യങ്ങളും വെട്ടി​പ്പുമാണ് ഹെലി​പ്പാഡ് ഉൾപ്പെടെയുള്ള ടവറുകളുടെ ബലക്ഷയത്തി​ന് കാരണം.