കുറുപ്പംപടി: തുരുത്തി ഗ്രാമോദ്ധാരണ വായനശാലയുടെ പ്ലാറ്റിനം ജൂബിലി ആഘോഷങ്ങളുടെ ഭാഗമാ യി വാസ്ക്കോ തുരുത്തി ആർട്സ് & സ്പോർട്സ് ക്ലബ്ബിന്റെ നേതൃത്വത്തിൽ മുടക്കുഴ തുരുത്തി പഞ്ചായത്ത് സ്റ്റേഡിയം ഗ്രൗണ്ടിലെ സൗജന്യ ഫുട്‌ബാൾ കോച്ചിംഗ് ക്യാമ്പ് പഞ്ചായത്ത് പ്രസിഡന്റ് പി.പി. അവറാച്ചൻ ഉദ്ഘാടനം ചെയ്തു. വായനശാല വൈസ് പ്രസിഡന്റ് എ.ബി.സനികുമാറിന്റെ അദ്ധ്യക്ഷതയിൽ നടന്ന യോഗത്തിൽ ക്ലബ് സെക്രട്ടറി വി. ബെറിൻ, വായനശാല പ്രസിഡന്റ് വിനോജ്, വാർഡ് മെമ്പർ അനാമിക ശിവൻ, ക്ലബ് പ്രസിഡന്റ് കെ. എസ്. വിനോദ് എന്നിവർ പങ്കെടുത്തു. ക്യാമ്പിൽ 50 ഓളം കുട്ടികൾ പങ്കെടുക്കുന്നുണ്ട്.