മൂവാറ്റുപുഴ: യു.ഡി.എഫ് സ്ഥാനാർത്ഥി ഡീൻ കുര്യാക്കോസ് ഇന്ന് നാമനിർദേശ പത്രിക സമർപ്പിക്കും. ഉച്ചയ്ക്ക് ശേഷം 2 മണിക്ക് വരണാധികാരി കൂടിയായ ഇടുക്കി ജില്ലാ കളക്ടർ ഷീബ ജോർജ്ജ് മുമ്പാകെയാണ് പത്രിക സമർപ്പിക്കുന്നത്. രാവിലെ മാതാപിതാക്കളുടെ അനുഗ്രഹം തേടിയ ശേഷം വെള്ളപ്പാറ കൊലുമ്പൻ സമാധിയിൽ പുഷ്പാർച്ചന നടത്തും. തുടർന്ന് ചെറുതോണിയിലെ ജില്ല കോൺഗ്രസ് കമ്മിറ്റി ഓഫീസിൽ എത്തി യു.ഡി.എഫ് നേതൃയോഗത്തിൽ പങ്കെടുക്കും. മുൻ എം.എൽ.എ എ.കെ മണിയുടെ നേതൃത്വത്തിലുള്ള മൂന്നാറിലെ തോട്ടം തൊഴിലാളികളാണ് കെട്ടിവയ്ക്കുന്നതിനുള്ള തുക നൽകുന്നത്. പത്രിക സമർപ്പണത്തിൽ ജില്ലയിലെ യു.ഡി.എഫ് നേതാക്കളും പ്രവർത്തകരും സ്ഥാനാർത്ഥിയെ അനുഗമിക്കും.