കൊച്ചി: എറണാകുളം - അങ്കമാലി അതിരൂപതാ സാമൂഹ്യ പ്രവർത്തന വിഭാഗമായ സഹൃദയ, നബാർഡിന്റെ സഹകരണത്തോടെ നടപ്പിലാക്കുന്ന 15 ദിവസത്തെ പാലിയേറ്റീവ് കെയർ ആൻഡ് സർവീസ് പരിശീലന പരിപാടിക്ക് തുടക്കമായി. തമ്മനം - വൈറ്റില റോഡിൽ പൊന്നുരുന്നി സഹൃദയ ഓഫീസിൽ സഹൃദയ ഡയറക്ടറും വെൽഫെയർ സർവീസസ് എക്സിക്യുട്ടീവ് ഡയറക്ടറുമായ ഫാ. ജോസഫ് കൊളുത്തുവെള്ളിലിന്റെ അദ്ധ്യക്ഷതയിൽ നടത്തിയ സമ്മേളനത്തിൽ നബാർഡ് ജില്ലാ ഡെവലപ്മെന്റ് മാനേജർ അജീഷ് ബാലു ഉദ്ഘാടനം നിർവഹിച്ചു. ബ്ലെസ് റിട്ടയർമെന്റ് ഹോം ചെയർമാൻ ബാബു ജോസഫ്, എക്സിക്യുട്ടിവ് ഡയറക്ടർ ലിജ ജിജോ എന്നിവർ സംസാരിച്ചു.