കൊച്ചി: സ്ത്രീ ശാക്തീകരണവും കുട്ടികളുടെ സുരക്ഷയും ലക്ഷ്യമാക്കി ഓറഞ്ച് റണ്ണേഴ്‌സ് ആൻഡ് റൈഡേഴ്‌സ് ക്ലബ് സംഘടിപ്പിക്കുന്ന മിനി മാരത്തൺ​ നാളെ നടക്കും. 12 കിലോമീറ്റർ മിനി മാരത്തൺ​, നാല് കിലോമീറ്റർ ഫാമിലി മാരത്തൺ​ വിഭാഗങ്ങളിലായി അഞ്ഞൂറിലേറെ പേർ പങ്കെടുക്കും. രാജേന്ദ്ര മൈതാനത്ത് നിന്ന് രാവിലെ ആറിന് മിനി മാരത്തണും 6.30ന് ഫാമിലി മാരത്തണും അസി. ഐ.ജി​. ജി.പൂങ്കുഴലി ഫ്‌ളാഗ് ഓഫ് ചെയ്യും.
ഫോർഷോർ റോഡ്, മാധവൻ നായർ റോഡ്, എംജി റോഡ്, വാര്യത്ത് റോഡ്, ഡിഎച്ച് ഗ്രൗണ്ട്, ഹൈക്കോടതി ജംഗ്ഷൻ വഴി ചാത്യാത്ത് റോഡിലെത്തി തിരികെ രാജേന്ദ്രമൈതാനത്ത് എത്തിച്ചേരും വിധമാണ് മിനി മാരണത്തൺ.