പറവൂർ: വലിയപല്ലംതുരുത്ത് എസ്.എൻ.ഡി.പി ശാഖായോഗം വലിയപറമ്പ് ഭഗവതി ക്ഷേത്രത്തിൽ ആറാട്ട് മഹോത്സവത്തിന് ക്ഷേത്രം തന്ത്രി പറവൂർ രാകേഷ് തന്ത്രിയുടെ മുഖ്യകാർമ്മികത്വത്തിൽ കൊടിയേറി. ഇന്ന് വൈകിട്ട് അഞ്ചരക്ക് ഓട്ടൻതുള്ളൽ, ഏഴിന് തിരുവാതിര, കൈകൊട്ടിക്കളി തുടർന്ന് കുടുംബയൂണിറ്റ് അംഗങ്ങളുടെ കലാപരിപാടികൾ. മഹോത്സവദിനമായ നാളെ രാവിലെ എട്ടരയ്ക്ക് കാഴ്ചശ്രീബലി, പത്തിന് നവപഞ്ചഗവ്യകലശാഭിഷേകം,​ ഗജപൂജ, ആനയൂട്ട്, വൈകിട്ട് അഞ്ചിന് പകൽപ്പൂരം, ദീപാരാധന, കരിമരുന്നുപ്രയോഗം, പഞ്ചവാദ്യം, ചെണ്ടമേളം, രാത്രി പത്തിന് പള്ളിവേട്ട. ആറാട്ട് മഹോത്സവദിനമായ 10ന് വൈകിട്ട് അഞ്ചിന് ആറാട്ട് പുറപ്പാട്, ഏഴിന് ആറാട്ട്സദ്യ, രാത്രി ഒമ്പതിന് പഞ്ചവിംശതി കലശാഭിഷേകം. പത്തിന് വലിയകുരുതി തർപ്പണത്തിന് ശേഷം കൊടിയിക്കൽ.