വൈപ്പിൻ: എളങ്കുന്നപ്പുഴ ആർ.ശങ്കർ സ്മാരക കുടുംബ യൂണിറ്റ് 22 മത് വാർഷികം എസ്.എൻ.ഡി.പി യോഗം വൈപ്പിൻ യൂണിയൻ പ്രസിഡന്റ് ടി.ജി. വിജയൻ ഉദ്ഘാടനം ചെയ്തു. രക്ഷാധികാരി കെ.സി. സുരേഷ് കുമാർ അദ്ധ്യക്ഷത വഹിച്ചു. യൂണിയൻ സെക്രട്ടറി ടി.ബി. ജോഷി , വൈസ് പ്രസിഡന്റ് കെ.വി. സുധീശൻ, ശാഖ പ്രസിഡന്റ് കെ.പി. ശിവാനന്ദൻ , സെക്രട്ടറി ഡി. ശശിധരൻ, കൈരളി സുധീശൻ, പ്രസന്ന ശശി , ജയ സത്യാനന്ദൻ , ശശി കോയിപ്പിള്ളി എന്നിവർ സംസാരിച്ചു. തുടർന്ന് കലാ പരിപാടികളും വിഷുകൈനീട്ട വിതരണവും നടത്തി.