മൂവാറ്റുപുഴ: എസ്.എൻ.ഡി.പി യോഗം കടാതി ശാഖയുടെ കീഴിലുള്ള ഗുരുകൃപ യൂണിറ്റ് കുടുംബയോഗം അമ്പലംപടി, കൊമ്പനാൽ തമ്പിയുടെ വസതിയിൽ ചേർന്നു. ഗിരിജ തമ്പി ദീപാർപ്പണം നടത്തി. യൂണിയൻ പഞ്ചായത്ത് കമ്മിറ്റിയംഗം എം.എസ്. വിൽസൻ ഉദ്ഘാടനം ചെയ്തു. ശാഖാ പ്രസിഡന്റ് കെ.എസ്. ഷാജി അദ്ധ്യക്ഷനായി. സുജൻ മേലുകാവ്, മുഖ്യ പ്രഭാഷണവും, ശാഖാ വൈസ് പ്രസിഡന്റ് അഡ്വ. ദിലീപ്. എസ്. കല്ലാർ അനുഗ്രഹ പ്രഭാഷണവും നടത്തി. ശാഖാ സെക്രട്ടറി എം.എസ്. ഷാജി, കുടുംബയോഗം യൂണിറ്റ് ജോ. കൺവീനർ നളിനി, ഗ്രീഷ്മ സുജൻ എന്നിവർ പങ്കെടുത്തു. യൂണിറ്റ് കൺവീനർ മീന ശശി റിപ്പോർട്ടും കണക്കും അവതരിപ്പിച്ചു. നന്ദന.കെ.സുജൻ, നവനീത് കെ.സുജൻ എന്നീ കുട്ടികൾ ഗുരുദേവ കീർത്തനങ്ങൾ ആലപിച്ചു.