മൂവാറ്റുപുഴ : സ്വന്തം തട്ടകമായ തൊടുപുഴയിൽ ഡീൻ കുര്യാക്കോസ് സ്ഥാനാർത്ഥി പര്യടനവുമായി എത്തിയപ്പോൾ ആവേശമുണർത്തി​യ സ്വീകരണം. മണക്കാട് നിന്നും ആരംഭിച്ച പര്യടനം പി.ജെ.ജോസഫ് എം.എൽ.എ ഉദ്ഘാടനം ചെയ്തു.കേന്ദ്ര സംസ്ഥാന സർക്കാരുകളുടെ ജന വിരുദ്ധ നടപടികൾക്കെതിരെയുള്ള വിധിയെഴുത്താണ് തി​രഞ്ഞെടുപ്പെന്ന് പി.ജെ.ജോസഫ് പറഞ്ഞു. സ്വീകരണത്തിന് നന്ദി പറഞ്ഞ് ഡീൻ കുര്യാക്കോസ് സംസാരിച്ചു. നിയോജക മണ്ഡലം യു.ഡി.എഫ്.ചെയർമാൻ എ.എം.ഹാരിദ് അദ്ധ്യക്ഷത വഹിച്ചു.