മൂവാറ്രുപുഴ: സി.എ.എ ആർക്കും പൗരത്വം നിഷേധിക്കാനല്ലെന്നും അയൽ രാജ്യങ്ങളിൽ മതപീഡനത്തിന് ഇരയായി അഭയാർത്ഥികളായി എത്തുന്നവർക്ക് പൗരത്വം നൽകുവാൻ ഉള്ളതാണെന്നും ബി.ജെ.പി ദേശീയ നിർവാഹക സമിതി അംഗം കുമ്മനം രാജശേഖരൻ. എന്നാൽ ഇതുമായി ബന്ധപ്പെട്ട് രാഷ്ട്രീയ ലാഭത്തിനുവേണ്ടി ഇടത് വലത് മുന്നണികൾ മതന്യൂനപക്ഷങ്ങൾക്കിടയിൽ ഭീതി പരത്തുകയാണെന്നും അദ്ദേഹം പറഞ്ഞു. എൻ.ഡി.എ മൂവാറ്റുപുഴ നിയോജകമണ്ഡലം ഇലക്ഷൻ കമ്മിറ്റി ഓഫീസ് ഉദ്ഘാടനം ചെയ്യുകയായിരുന്നു കുമ്മനം. ബി.ജെ.പി മൂവാറ്റുപുഴ മണ്ഡലം പ്രസിഡന്റ് അരുൺ പി. മോഹൻ അദ്ധ്യക്ഷനായി. ബി.ജെ.പി സംസ്ഥാന സമിതി അംഗം പി. പി. സജീവ്, ബി.ഡി.ജെ.എസ് സംസ്ഥാന സെക്രട്ടറി ഷൈൻ കെ. കൃഷ്ണൻ, ബി.ജെ.പി ജില്ലാ ഉപാദ്ധ്യക്ഷൻ ഇ.ടി. നടരാജൻ, എൻ.സി.പി ജില്ലാ പ്രസിഡണ്ട് സി. എം. ജോയി, എൻ.സി.പി ജില്ലാ സെക്രട്ടറി ടീജി തുടങ്ങിയവർ സംസാരിച്ചു.