കൊച്ചി : ചിറ്റിലപ്പിള്ളി ഫൗണ്ടേഷൻ, എം.ജി യൂണിവേഴ്‌സിറ്റി, രാജഗിരി കോളേജ് ഒഫ് മാനേജ്‌മെന്റ് എൻ.എസ്.എസ് യൂണിറ്റ് എന്നിവരുടെ സഹകരണത്തോടെ വൈക്കം കുലശേഖരമംഗലത്ത് നിർമ്മിച്ച സ്‌നേഹവീട് കൈമാറി. ചിറ്റിലപ്പിള്ളി ഫൗണ്ടേഷൻ മാനേജർ ജി. ദീപക്, പ്രോജക്ട് കോ ഓഡിനേറ്റർ ഡോ.എ. പി. സൂസമ്മ, കോളേജ് അസോസിയേറ്റ് ഡയറക്ടർ അജീഷ് പുതുശേരി, പ്രിൻസിപ്പൽ ഡോ.ലാലി മാത്യു, എൻ.എസ്.എസ് യൂണിറ്റ് കോഓഡിനേറ്റർ ഡോ. വി.എസ്. ചന്ദ്രലാൽ എന്നിവർ ചേർന്ന് താക്കോൽദാനം നിർവഹിച്ചു. അദ്ധ്യാപകരായ ഗീതു ജോണി, ഹിത പി.എസ്., ഹീര ബി., അമല ലിനസ്, ശ്വേത അലക്‌സ് തുടങ്ങിയവർ ചടങ്ങിൽ പങ്കെടുത്തു.