മൂവാറ്റുപുഴ: ഭരണഘടന സംരക്ഷിക്കുന്നതിനോടൊപ്പം സ്ത്രീകളുടെ അവകാശങ്ങൾ നേടിയെടുക്കുന്നതിനുള്ള തിരഞ്ഞെടുപ്പിൽ ഇടതുപക്ഷം വിജയിക്കണമെന്ന് സി.പി.എം പോളിറ്റ് ബ്യൂറോ അംഗം സുഭാഷിണി അലി പറഞ്ഞു. ഇടുക്കി പാർലമെന്റ് മണ്ഡലം എൽ.ഡി.എഫ് സ്ഥാനാർത്ഥി അഡ്വ. ജോയ്‌സ് ജോർജിന്റെ തിരഞ്ഞെടുപ്പ് പ്രചാരണാർത്ഥം എൽ.ഡി.എഫ് മൂവാറ്റുപുഴ നിയോജകമണ്ഡലം കമ്മിറ്റി സംഘടിപ്പിച്ച വനിത പാർലമെന്റ് ഉദ്ഘാടനം ചെയ്യുകയായിരുന്നു സുഭാഷിണി അലി. ഭരണഘടന സംരക്ഷിക്കാനും രാജ്യത്തെ ജനാധിപത്യം സംരക്ഷിക്കാനും ഇന്ത്യയെ നിലനിർത്താനുള്ള തിരഞ്ഞെടുപ്പാണി തിന്നും അലി പറഞ്ഞു. മഹിള സംഘം സംസ്ഥാന കമ്മിറ്റി അംഗം സീന ബോസ് അദ്ധ്യക്ഷത വഹിച്ചു. സി.പി.ഐ സംസ്ഥാന എക്‌സിക്യുട്ടീവ് അംഗം കമല സദാനന്ദൻ മുഖ്യപ്രഭാഷണം നടത്തി. ജനാധിപത്യ മഹിള അസോസിയേഷൻ ഏരിയ സെക്രട്ടറി ഷാലി ജെയിൻ , ശാരദ മോഹനൻ, വി.ആർ.ശാലിനി, കെ.എ.ജയ, ആലീസ് ഷാജു, പി.പി.നിഷ, മോരി ജോർജ് തോട്ടം, എൻ.കെ.പുഷ്പ, അനിത റെജി, സീനത്ത് മീരീൻ, പി.ജി.ശാന്ത എന്നിവർ സംസാരിച്ചു.