അങ്കമാലി: ലോകസഭ തിരഞ്ഞെടുപ്പിന്റെ മുന്നൊരുക്കങ്ങളുടെ ഭാഗമായി സി.ആർ.പി.എഫും, പൊലീസും സംയുക്തമായി അങ്കമാലി പട്ടണത്തിൽ റൂട്ട് മാർച്ച് നടത്തി. ജില്ലാ പൊലീസ് മേധാവി ഡോ.വൈഭവ് സക്സേനയുടെ മേൽനോട്ടത്തിൽ നടന്ന മാർച്ച് ടി.ബി.ജംഗ്‌ഷനിൽ നിന്നും ആരംഭിച്ച് നഗരം ചുറ്റി കെ.എസ്.ആർ.ടി.സി പരിസരത്ത് സമാപിച്ചു. നൂറോളം ഉദ്യോഗസ്ഥർ പങ്കെടുത്തു. സി.ആർ.പി.എഫ് സി - 97 ബറ്റാലിയൻ കമാണ്ടൻറ് ജാക്വിൻ സെനോ, അങ്കമാലി സബ് ഇൻസ്പെക്ടർ എൻ.എസ്.റോയി തുടങ്ങിയവർ നേതൃത്വം നൽകി.