പറവൂർ: എസ്.എൻ.ഡി.പി യോഗം പറവൂർ യൂണിയന്റെ നേതൃത്വത്തിൽ അടുത്തമാസം 18,19 തിയതികളിൽ നടക്കുന്ന ശ്രീനാരായണ ദർശനോത്സവത്തിന്റെ മുന്നോടിയായി വരാപ്പുഴ മേഖലായോഗം നടന്നു. പറവൂർ യൂണിയൻ സെക്രട്ടറി ഷൈജു മനയ്ക്കപ്പടി ഉദ്ഘാടനം ചെയ്തു. മൈക്രോ ഫൈനാൻസ് യൂണിയൻ ചീഫ് കോ ഓഡിനേറ്റർ ഡി. പ്രസന്നകുമാർ അദ്ധ്യക്ഷനായി. യോഗം ‌ഡയറക്ടർ ബോർഡ് അംഗം പി.എസ്. ജയരാജ്, വരാപ്പുഴ മേഖല കൺവീനർ കണ്ണൻ കൂട്ടുകാട്, മൈക്രോ ഫൈനാൻസ് കോ ഓഡിനേറ്റർ ജോഷി പല്ലേക്കാട്ട്, ശാഖാ പ്രസിഡന്റ് പ്രസാദ്, വള്ളുവള്ളി ശാഖാ സെക്രട്ടറി സുനിൽദത്ത് എന്നിവർ സംസാരിച്ചു.