ആലുവ: അശോകപുരം ഗാന്ധിനഗറിൽ കാവിൽ ശ്രീഭദ്രകാളി ക്ഷേത്രത്തിൽ വലിയ ഗുരുതി മഹോത്സവം സമാപിച്ചു. താലം വരവിലും പകൽപ്പൂരത്തിലും അന്നദാനത്തിലുമായി നിരവധി ഭക്തർ പങ്കെടുത്തു. ക്ഷേത്രം മേൽശാന്തി ഘടനാനന്ദനാഥ പാദതീർത്ഥ, മേൽശാന്തി പറവൂർ മിഥുൻ ശാന്തി എന്നിവരുടെ മുഖ്യകാർമ്മികത്വത്തിലായിരുന്നു പ്രത്യേക പൂജകൾ. വൈകിട്ട് 5ന് മനക്കപ്പടി ശ്രീമഹാദേവ ക്ഷേത്രത്തിൽ നിന്നും കാവടിയാട്ടം, താളമേളങ്ങൾ എന്നിവയുടെ അകമ്പടിയോടെയാണ് താലം വരവ് നടന്നത്. തുടർന്ന് കോളനിപ്പടി കവലയിൽ നിന്നും മൂന്ന് ഗജവീരന്മാരുടെ അകമ്പടിയോടെ പകൽപ്പൂരവും നടന്നു. ഭക്തിഗാനമേള, തായമ്പക, കാവിലമ്മക്ക് മഹാഗുരുതിയും നടന്നു. ഉത്സവാഘോഷ കമ്മിറ്റി പ്രസിഡന്റ് ടി.വി. തങ്കച്ചൻ, സെക്രട്ടറി ബാജി കൃഷ്ണൻ, കൺവീനർ കെ.ആർ. പവിത്രൻ, മറ്റ് ഭാരവാഹികളായ കെ.എസ്. സുജിത്ത്, കെ.എസ്. സുമേഷ് എന്നിവർ നേതൃത്വം നൽകി.