കൊച്ചി: അക്ഷയതൃതീയ മേയ് 10ന് വിപുലമായി ആഘോഷിക്കാൻ ഓൾ കേരള ഗോൾഡ് ആൻഡ് സിൽവർ മർച്ചന്റ്‌സ് അസോസിയേഷൻ തീരുമാനിച്ചു. കേരളത്തിലെ എല്ലാ സ്വർണ വ്യാപാരികളും അക്ഷയതൃതീയ ആഘോഷത്തിൽ പങ്കാളികളാകും. ലൈറ്റ് വെയിറ്റ് ആഭരണങ്ങൾ, കോയിനുകൾ എന്നിവ പ്രത്യേകം ഒരുക്കിയിട്ടുണ്ട്. അക്ഷയതൃതീയ ദിനത്തിൽ സ്വർണം വാങ്ങുന്ന തിരക്കൊഴിവാക്കുന്നതിനായി അഡ്വാൻസ് ബുക്കിംഗ് ആരംഭിച്ചു.
അഞ്ച് ലക്ഷത്തിലധികം കുടുംബങ്ങൾ അക്ഷയതൃതീയ ദിനത്തിൽ സ്വർണ് വ്യാപാര മേഖലയിലേക്ക് ഒഴുകിയെത്തുമെന്നാണ് പ്രതീക്ഷ.

ഓണക്കാലത്ത് ഒരു മാസം നീണ്ടുനിൽക്കുന്ന സ്വർണോൽസവം പരിപാടി സംഘടിപ്പിക്കാനും അസോസിയേഷൻ തീരുമാനിച്ചു.
കേരള ജുവലറി ഇന്റർനാഷണൽ ഫെയർ ജൂലൈ 6,7,8 തീയതികളിൽ നടക്കും. ഓൾ ഇന്ത്യ ജെം ആൻഡ് ജുവലറി ഡൊമസ്റ്റിക് കൗൺസിൽ ദേശീയ സമ്മേളനം ജൂലൈ ‌ഏഴിന് കൊച്ചിയിൽ നടക്കും.

പ്രസിഡന്റ് ഡോ.ബി. ഗോവിന്ദൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി കെ. സുരേന്ദ്രൻ, ട്രഷറർ അഡ്വ.എസ്.അബ്ദുൽ നാസർ, വർക്കിംഗ് പ്രസിഡന്റുമാരായ അയമു ഹാജി, റോയ് പാലത്തറ, വർക്കിംഗ് ജനറൽ സെക്രട്ടറി സി. വി.കൃഷ്ണദാസ്? വൈസ് പ്രസിഡന്റ് മാരായ ബി.പ്രേമാനന്ദ്, പി.ടി.അബ്ദുറഹ്മാൻ ഹാജി, അർജുൻ ഗേക്വാദ്,രത്‌നകലരത്‌നാകരൻ, സെക്രട്ടറിമാരായ, അരുൺ നായിക്, ഫൈസൽ ആമീൻ, നസീർ പുന്നക്കൽ, എൻ.വി.പ്രകാശ്, കണ്ണൻ ആറ്റിങ്ങൽ,
പി.കെ.ഗണേഷ്, അസീസ് ഏർബാദ്, ബാബുരാജ് കാസർകോഡ് എന്നിവർ പ്രസംഗിച്ചു.