ഇടുക്കി: ലോക് സഭ തിരഞ്ഞെടുപ്പിനോടനുബന്ധിച്ച് പോളിങ് ഡ്യൂട്ടിക്ക് നിയോഗിച്ചിട്ടുള്ള ഉദ്യോഗസ്ഥർക്ക് വിവിധ മണ്ഡലങ്ങളിലേക്ക് തിരഞ്ഞെടുപ്പ് ജോലിക്കായി യാത്ര ചെയ്യാൻ 112 ബസുകളാണ് ക്രമീകരിച്ചിരിക്കുന്നത്. തൊടുപുഴ, ഇടുക്കി ,ഉടുമ്പൻചോല, ദേവികുളം, പീരുമേട് എന്നീ മണ്ഡലങ്ങളിലേക്ക് അഞ്ചു കേന്ദ്രങ്ങളിൽ നിന്നും 25 ന് രാവിലെ 5 മുതൽ ബസുകൾ പുറപ്പെടും. ദേവികുളം മണ്ഡലം മൂന്നാർ ഹയർ സെക്കന്ററി സ്‌കൂൾ, ഉടുമ്പൻചോല നെടുങ്കണ്ടം സെന്റ് സെബാസ്റ്റിയൻസ് എച്ച്, എസ്,എസ്, തൊടുപുഴ മിനി സിവിൽ സ്‌റ്റേഷൻ , ഇടുക്കി പുതിയ ബസ് സ്റ്റാൻഡ് കട്ടപ്പന, ചെറുതോണി ടൗൺ, പീരുമേട് മരിയഗിരി സ്‌കൂൾ കുട്ടിക്കാനം എന്നീ സ്ഥലങ്ങളിൽ നിന്നാണ് ബസുകൾ പുറപ്പെടുന്നത്. സുഗമമായ യാത്രയ്ക്ക് ഓരോ മണ്ഡലത്തിൽ നിന്നും 20 ന് മുകളിൽ ബസുകൾ ക്രമീകരിച്ചിട്ടുണ്ടെന്ന് ജില്ലാ കളക്ടർ അറിയിച്ചു.