രാജാക്കാട്: ശ്രീമഹാദേവർ ക്ഷേത്രത്തിൽ തിരുവുത്സവത്തോടനുബന്ധിച്ച് 28ന് രാവിലെ വിശേഷാൽ ക്ഷേത്രാചാരങ്ങൾ, എട്ടിന് ശീവേലി എഴുന്നുള്ളിപ്പ്, 11ന് ഗജവീരന്മാർക്ക് സ്വീകരണം, വൈകിട്ട് അഞ്ചിന് എൻ.ആർ സിറ്റി ഗുരുദേവ ക്ഷേത്രത്തിൽ നിന്ന് താലപ്പൊലി ഘോഷയാത്ര എന്നിവ നടക്കും. രാജാക്കാട് യൂണിയൻ പ്രസിഡന്റ് എം.ബി. ശ്രീകുമാർ ഘോഷയാത്രയുടെ ഭദ്രദീപ പ്രകാശനം നിർവ്വഹിക്കും. ഘോഷയാത്ര രാജാക്കാട്ട് എത്തുമ്പോൾ രാജാക്കാട് പൂരവും കുടമാറ്റവും നടക്കും. എട്ടിന് പള്ളിവേട്ട സദ്യ, 10ന് പള്ളിവേട്ട, പള്ളിനിദ്ര. 29ന് ഉച്ചകഴിഞ്ഞ് മൂന്നിന് ആറാട്ട് ഹോമം, ആറാട്ട് ബലി, 4.30ന് ആറാട്ട് പുറപ്പാട്, 5 ന് വലിയഗുരുസി, കൊടിയിറക്ക് എന്നിവയാണ് പരിപാടികളെന്ന് ഭാരവാഹികളായ സാബു വാവലക്കാട്ട്, വി.എസ്. ബിജു, കെ.പി. സജീവ്, എം. പുരുഷോത്തമൻ ശാന്തി, സതീഷ് ശാന്തി എന്നിവർ അറിയിച്ചു.