പീരുമേട്:പീരുമേട് അസംബ്ലിയിൽ പെട്ട ഒൻപതു പഞ്ചായത്തുകളിലെ കുടിവെള്ളക്ഷാമം രൂക്ഷമായതിനെ തുടർന്ന് വാഴൂർ സോമൻ എം.എൽ.എ അടിയന്തിര റിപ്പോർട്ട് തേടി.

കുടിവെള്ളക്ഷാമം സംബന്ധിച്ച് വിശദമായ റിപ്പോർട്ട് ആവശ്യപ്പെട്ട് അയ്യപ്പൻകോവിൽ, ഉപ്പുതറ, ഏലപ്പാറ, പെരുവന്താനം, കൊക്കയാർ, പീരുമേട്, വണ്ടിപ്പെരിയാർ ,കുമളി, ചക്കുപള്ളം, പഞ്ചായത്തിലെ കുടിവെള്ളക്ഷാമം നേരിടുന്ന പ്രദേശങ്ങളെ കുറിച്ച് വിശദമായി പഠിക്കാനും സർക്കാരിന് വിശദമായ റിപ്പോർട്ട് സമർപ്പിച്ച് കുടിവെള്ളക്ഷാമത്തിന് അടിയന്തിര പരിഹാരം കാണുന്നതിനായി പഞ്ചായത്ത് പരിധിയിലെ രൂക്ഷമായ കുടിവെള്ളക്ഷാമം നേരിടുന്ന പ്രദേശത്തെ നിലവിലുള്ള പദ്ധതികളെ കുറിച്ചും മുടങ്ങികിടക്കുന്ന പദ്ധതികൾ ഉണ്ടങ്കിൽ അവയെ കുറിച്ചും, പ്രവർത്തികൾ നടത്തിയിട്ടുണ്ടോ എന്നും അന്വേഷിക്കുന്നുണ്ട്. കുടിവെള്ളക്ഷാമം നേരിടുന്ന വാർഡുകളിൽ ജലസ്രോതസ്സുകൾ ലഭ്യമാണെങ്കിൽ വ്യക്തമാക്കുകയും ഏതെങ്കിലും പദ്ധതിയിൽ ഉൾപ്പെടുത്തി പ്രവർത്തികൾ ആരംഭിച്ചിട്ട് മുടങ്ങിയിട്ടുണ്ടെങ്കിൽ അവ പരിഹരിക്കുവാനുള്ള മാർഗ്ഗനിർദേശങ്ങളും അടങ്ങിയ സമഗ്രമായ റിപ്പോർട്ട് നൽകാൻ ആവശ്യപ്പെട്ട് ബന്ധപ്പെട്ട പഞ്ചായത്ത് സെക്രട്ടറിമാർക്ക് അടിയന്തര കത്ത് നൽകിയതായി വാഴൂർ സോമൻ എം.എൽ.എ അറിയിച്ചു.