കണ്ണൂർ: കണ്ണൂർ യൂണിവേഴ്സിറ്റി സെനറ്റ് നോമിനേഷനിലൂടെ യൂണിവേഴ്സിറ്റിയെ തന്നെ കളങ്കപ്പെടുത്തിയ ചാൻസിലർ കൂടിയായ ഗവർണ്ണറുടെ നടപടിയിൽ പ്രതിഷേധിച്ച് എഫ്.എസ്.ഇ.ടി.ഒയുടെ നേതൃത്വത്തിൽ ജീവനക്കാരും അദ്ധ്യാപകരും കണ്ണൂർ സ്റ്റേഡിയം കോർണറിൽ പ്രതിഷേധ കൂട്ടായ്മ നടത്തി.

സമൂഹത്തിലെ വിവിധ മണ്ഡലങ്ങളിൽ പ്രാവീണ്യം തെളിയിച്ച പ്രമുഖരായ 48 പേരുകൾ ഉൾപ്പെടുത്തി സിൻഡിക്കേറ്റ് തയ്യാറാക്കി വൈസ് ചാൻസർ അയച്ച പട്ടികയെ പാടെ അവഗണിക്കുന്നതാണ് ഗവർണ്ണറുടെ നടപടിയെന്ന് എഫ്.എസ്.ഇ.ടി.ഒ ആരോപിച്ചു. സി പി.എം ആക്ടിംഗ് ജില്ലാസെക്രട്ടറി ടി.വി.രാജേഷ് ഉദ്ഘാടനം ചെയ്തു. എൻ.ജി.ഒ യൂണിയൻ സംസ്ഥാന പ്രസിഡന്റ് എം.വി.ശശിധരൻ, എ.കെ.പി.സി ടി.എ സംസ്ഥാന പ്രസിഡന്റ് എ.നിശാന്ത്, കെ.ജി.ഒ.എ സംസ്ഥാന സെക്രട്ടറിയേറ്റംഗം ഡോ.ഇ.വി.സുധീർ എന്നിവർ പ്രസംഗിച്ചു. എഫ്.എസ്.ഇ.ടി.ഒ ജില്ലാ പ്രസിഡന്റ് കെ.ശശീന്ദ്രൻ അദ്ധ്യക്ഷത വഹിച്ചു. ജില്ലാ സെക്രട്ടറി പി.പി.സന്തോഷ് കുമാർ സ്വാഗതവും കെ.ജി.എൻ.എ ജില്ലാ സെക്രട്ടറി കെ.വി.പുഷ്പജ നന്ദിയുംപറഞ്ഞു.