കുമരകം: അട്ടിപ്പീടിക റോഡിൽ പുതിയകാവ് ക്ഷേത്രത്തിനു സമീപത്തു വച്ച് നാനോ കാർ ഓട്ടോറിക്ഷയുമായി ഇന്ന് പുലർച്ചെ ആറു മണിയോടെ കൂട്ടിയിടിച്ചു. അപകടത്തിൽ ഓട്ടോറിക്ഷ ഡ്രൈവർക്കും രണ്ട് യാത്രക്കാർക്കും പരിക്കേറ്റു. ഓട്ടോറിക്ഷാ ഡ്രൈവറായ കുമരകം ഏഴാം വാർഡിൽ മാലീത്ര വീട്ടിൽ അജിക്കുട്ടൻ (45), ഒാട്ടോറിക്ഷയിലെ യാത്രക്കാരായ കുമരകം ആറാം വാർഡിലെ കുമ്പളന്തറ വീട്ടിൽ രാജേഷ്, ഭാര്യ സിന്ധു എന്നിവർക്കാണ് പരിക്കേറ്റത്. അജിക്കുട്ടന് തലയ്ക്ക് സാരമായ പരിക്കുണ്ട്. മൂവരെയും ചികിത്സയ്ക്കായി കോട്ടയം മെഡിക്കൽ കോളേജിൽ പ്രവേശിപ്പിച്ചു. പാണ്ടൻബസാറിൽ നിന്നും യാത്രക്കാരുമായി പോവുകയായിരുന്നു ഓട്ടോറിക്ഷ. ചന്തക്കവല നിന്നും ബസാർ ഭാഗത്തേയ്ക്ക് പോവുകയായിരുന്നു കാർ. ഓട്ടോറിക്ഷയ്ക്ക് സാരമായ കേടുപാടുകൾ സംഭവിച്ചിട്ടുണ്ട്. പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.