വാഴൂർ: ഉടമയുടെ സുഹൃത്ത് എന്ന് പറഞ്ഞ് എത്തിയയാൾ ഫാർമസിസ്റ്റിൽ നിന്നും പണം തട്ടിയെടുത്തു. ഇന്നലെ ഉച്ചകഴിഞ്ഞ് 2.45 ഓടെ കൊടുങ്ങൂരിലെ ജൻ ഔഷധി മെഡിക്കൽ സ്റ്റോറിലായിരുന്ന സംഭവം. 45 വയസിന് മുകളിൽ പ്രായം തോന്നുന്നയാളാണ് പണം തട്ടിയത്.1800 രൂപ നൽകാൻ കടയുടമ പറഞ്ഞതായി ഇയാൾ ഫാർമസിസ്റ്റിനോട് പറഞ്ഞു. തുടർന്ന് ഇവരുടെ കയ്യിൽ നിന്നും പണവും വാങ്ങി ഇയാൾ മെഡിക്കൽ സ്റ്റോറിൽ നിന്നും പോവുകയായിരുന്നു. പ്രതിയുടെ ചിത്രം കടയിലെ നിരീക്ഷണ ക്യാമറയിൽ പതിഞ്ഞിട്ടുണ്ട്.