പാലാ: തെക്കുംമുറി 3385 നമ്പർ എസ്.എൻ.ഡി.പി. ശാഖയിലെ പ്രതിഷ്ഠാവാർഷിക മഹോത്സവം ഇന്ന് ആഘോഷിക്കുമെന്ന് പ്രസിഡന്റ് എ.ജി. റോയി ആര്യപ്പാട്ട് അറിയിച്ചു. രാവിലെ 5.45 ന് അഭിഷേകം, ഗുരുപൂജ തന്ത്രി ശിവരാമൻ തന്ത്രികൾ, മേൽശാന്തി സനത് ശാന്തി എന്നിവർ മുഖ്യകാർമ്മികത്വം വഹിക്കും,​ 6 ന് പ്രതിഷ്ഠാ ആചാര്യൻ ശിവഗിരിമഠം ബോധിതീർത്ഥ സ്വാമിക്ക് സ്വീകരണം,​ 6.15 ന് അഷ്ടദ്രവ്യ മഹാഗണപതിഹോമം, ശാന്തിഹവനം, 7.30 ന് പ്രസിഡന്റ് എ.ജി. റോയി ആര്യപ്പാട്ട് പതാക ഉയർത്തും,​ 8.30 ന് കലശപൂജ, 9.45 ന് കലശാഭിഷേകം, 10.30 ന് മഹാഗുരുപൂജ, 10.45 ന് സ്വാമി ബോധിതീർത്ഥ സ്വാമികളുടെ അനുഗ്രഹപ്രഭാഷണം, 1 ന് മഹാപ്രസാദമൂട്ട്, പായസം വഴിപാട്, വൈകിട്ട് 4 ന് നാലുതൊട്ടിയിൽ രവീന്ദ്രൻ വസതിയിൽ നിന്നും ആക്കക്കുന്ന് ഗുരുകൃപാ കുടുംബയൂണിറ്റ് ഭാഗത്തുനിന്നും താലപ്പൊലി ഘോഷയാത്ര, 6.50 ന് വിശേഷാൽ ദീപാരാധന, തുടർന്ന് കുട്ടികളുടെ വിവിധ കലാപരിപാടികൾ, ദേവനൃത്തം എന്നിവയാണ് പ്രധാന പരിപാടികൾ.