ഗുവാഹത്തി: മഴയിലും കാറ്റിലും ഗുവാഹത്തി ലോക്പ്രിയ ഗോപിനാഥ് ബോർഡോലോയ് അന്താരാഷ്ട്ര വിമാനത്താവളത്തിന്റെ മേൽക്കൂരയുടെ ഒരുഭാഗം അടർന്നു വീണു. ആർക്കും പരിക്കില്ല. വിമാനത്താവളത്തിനുള്ളിൽ വെള്ളം കയറിയതോടെ പ്രവർത്തനം ഏറെ നേരം തടസ്സപ്പെട്ടു. വിമാനങ്ങൾ വഴിതിരിച്ച് വിട്ടു. കാറ്റിൽ വിമാനത്താവളത്തിന് പുറത്ത് വലിയ മരം കടപുഴകി വീണു. തുടർന്ന് ഗതാഗതവും തടസപ്പെട്ടെന്ന് ചീഫ് എയർപോർട്ട് ഓഫീസർ ഉത്പൽ ബറുവ പറഞ്ഞു.

അദാനി ഗ്രൂപ്പിന് കീഴിലാണ് വിമാനത്താവളം പ്രവർത്തിക്കുന്നത്. എയർ ഇന്ത്യ, ഇൻഡിഗോ വിമാനങ്ങൾ കൊൽക്കത്തയിലേക്കും അഗർത്തലയിലേക്കുമാണ് വഴിതിരിച്ച് വിട്ടത്.