ഗാസ സി​റ്റി: വേ​ൾ​ഡ് സെ​ൻ​ട്ര​ൽ കി​ച്ച​ണി​ലെ ജീ​വ​ന​ക്കാ​രെ ഇ​സ്രാ​യേ​ൽ അ​റു​കൊ​ല ന​ട​ത്തി​യ​തി​നു പി​ന്നാ​ലെ ഗാസ​യി​ലെ​ത്തി​ച്ച ഭ​ക്ഷ്യ​വ​സ്തു​ക്ക​ൾ ഇ​റ​ക്കാ​നാ​കാ​തെ ക​പ്പ​ൽ തി​രി​ച്ച് സൈ​പ്ര​സി​ലേ​ക്ക്. ക​പ്പ​ലി​ലു​ണ്ടാ​യി​രു​ന്ന 100 ട​ൺ വ​സ്തു​ക്ക​ളാ​ണ് ഇ​റ​ക്കി​യി​രു​ന്ന​ത്. ആ​ക്ര​മ​ണം ന​ട​ന്ന​തോ​ടെ അ​വ​ശേ​ഷി​ച്ച 240 ട​ൺ സ​ഹാ​യ​വു​മാ​യി ക​പ്പ​ൽ തി​രി​ച്ചു​വി​ടാ​ൻ തീ​രു​മാ​നി​ക്കു​ക​യാ​യി​രു​ന്നു. ഇ​ര​ക​ളോ​ടു​ള്ള ആ​ദ​ര​വാ​യും സു​ര​ക്ഷ നി​ർ​ദേ​ശ​ങ്ങ​ൾ ഉ​റ​പ്പാ​ക്കാ​നും ഗാസ​യി​ലെ പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ക്കു​ക​യാ​ണെ​ന്ന് സൈ​പ്ര​സ് വി​ദേ​ശ​കാ​ര്യ മ​ന്ത്രി കോ​ൺ​സ്റ്റാ​ന്റി​നോ​സ് കോം​ബോ​സ് പ​റ​ഞ്ഞു. മെ​ഡി​റ്റ​റേ​നി​യ​ൻ ക​ട​ലി​ൽ ഗാസ​യി​ലേ​ക്ക് ഏ​റ്റ​വും അ​ടു​ത്ത തു​റ​മു​ഖ​മാ​യി​രു​ന്ന സൈ​പ്ര​സി​ലെ ല​ർ​നാ​ക​യി​ൽ​നി​ന്നാ​യി​രു​ന്നു സ​ഹാ​യ​ക്ക​പ്പ​ലു​ക​ൾ പു​റ​പ്പെ​ട്ടി​രു​ന്ന​ത്. ഇ​ത് നി​ർ​ത്തി​വെ​ക്കു​ന്ന​തോ​ടെ ഗാസ​യി​ൽ അ​വ​ശ്യ​വ​സ്തു​ക്ക​ൾ എ​ത്തു​ന്ന പ്ര​ധാ​ന മാ​ർ​ഗ​ങ്ങ​ളി​ലൊ​ന്ന് അ​ട​യും.

കഴിഞ്ഞ ദിവസം ഗാസയിൽ ഇസ്രയേൽ നടത്തിയ വ്യോമാക്രമണത്തിനിടെ യു.എസ് ആസ്ഥാനമായുള്ള വേൾഡ് സെൻട്രൽ കിച്ചൺ (ഡബ്ല്യു.സി.കെ)​ സംഘടനയിലെ ആറ് വിദേശ സന്നദ്ധ പ്രവർത്തകർ കൊല്ലപ്പെട്ടു. ബ്രിട്ടൺ,​ പോളണ്ട്,​ ഓസ്ട്രേലിയ,​ യു.എസ് എന്നിവിടങ്ങളിൽ നിന്നുള്ളവരാണ് കൊല്ലപ്പെട്ടത്. ഇവരുടെ പാലസ്തീൻ വംശജനായ ഡ്രൈവറും കൊല്ലപ്പെട്ടു. വടക്കൻ ഗാസയിൽ ഭക്ഷണ വിതരണം നടത്തിയ ശേഷം മടങ്ങവെ മദ്ധ്യ ഗാസയിലെ ദെയ്ർ അൽ - ബലാഹിൽ വച്ച് ഇവരുടെ വാഹനം ആക്രമിക്കപ്പെടുകയായിരുന്നു. അതേസമയം,​ സൈന്യം നിരപരാധികളെ ലക്ഷ്യമാക്കിയെന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു സമ്മതിച്ചു. ആക്രമണം ദാരുണമായെന്നും എന്നാൽ ബോധപൂർവം ഉണ്ടായതല്ലെന്നും അദ്ദേഹം വ്യക്തമാക്കി. ഇത്തരം സംഭവങ്ങൾ ആവർത്തിക്കാതിരിക്കാനുള്ള നടപടികൾ സ്വീകരിക്കുമെന്നും അദ്ദേഹം പറഞ്ഞു.