ന്യൂഡൽഹി: ജമ്മുകാശ്മീർ ശ്രീന​ഗറിലെ ​ഗന്ദേർബൽ ജില്ലയിൽ പുലിയെ വെറും വടികൊണ്ട് കീഴടക്കി വനംവകുപ്പ് ഉദ്യോ​ഗസ്ഥർ. സംഭവത്തിന്റെ വീഡിയോ വൈറലാണ്. ബുധനാഴ്ച ഫത്തേപോറ ​ഗ്രാമത്തിലാണ് പുലി ഇറങ്ങിയത്. ഭീതി പരത്തിയ പുലി വളർത്തുമൃ​ഗങ്ങളെ ആക്രമിച്ചു. തുടർന്ന് നാട്ടുകാർ വിവരം വനംവകുപ്പിനെ അറിയിച്ചു. വനംവകുപ്പിലെ രണ്ട് ഉദ്യോഗസ്ഥർ സ്ഥലത്തെത്തി. എന്നാൽ കൈയിൽ ആയുധങ്ങലൊന്നും ഉണ്ടായിരുന്നില്ല. ഉദ്യോഗസ്ഥർ

പുലിക്ക് മുമ്പിൽ പെടുകയും ചെയ്‌തു.

വടിയല്ലാതെ മറ്റൊന്നും കിട്ടിയില്ല. ഇതിനിടെ പുലി ഒരുദ്യോ​ഗസ്ഥന്റെ നേർക്ക് ചീറിയടുത്തു. ഇതോടെ മൽപ്പിടുത്തമായി. പുലി ഇയാളുടെ കൈയിൽ കടിച്ചെങ്കിലും പിടി വിട്ടില്ല. കൂടെയുണ്ടായിരുന്ന ഉദ്യോ​ഗസ്ഥനും നാട്ടുകാരും വടികൊണ്ട് പുലിയെ കീഴടക്കി കയറുകൊണ്ട് ബന്ധിച്ച് കൂട്ടിലാക്കി. വനംവകുപ്പ് ഉദ്യോ​ഗസ്ഥനും മൂന്ന് പ്രദേശവാസികൾക്കും പരിക്കേറ്റു. ഇവരെ അടുത്തുള്ള ആശുപത്രിയിൽ പ്രവേശിപ്പിച്ചു. പുലിക്കും ചെറിയ പരിക്കുണ്ട്.