മലപ്പുറം: ലോക്‌സഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ വിവിധ ഭാഗങ്ങളിൽ നിന്നായി 3.78 ലക്ഷം രൂപയുടെ വിദേശ മദ്യവും കഞ്ചാവ് ഉൾപ്പെടെയുള്ള ലഹരി വസ്തുക്കളും എക്‌സൈസ് പരിശോധനയിൽ പിടികൂടി. കൊണ്ടോട്ടി നിയമസഭാ മണ്ഡലത്തിൽ നിന്ന് 7,290 രൂപ വിലയുള്ള 4.1 ലിറ്റർ വിദേമദ്യവും 19 ഗ്രാം കഞ്ചാവും ഏറനാട്ടിൽ നിന്നും 9,900 രൂപയുടെ ആറ് ലിറ്റർ വിദേശമദ്യവും 15 ഗ്രാം കഞ്ചാവും നിലമ്പൂരിൽ നിന്നും 74,550 രൂപയുടെ 49.7 ലിറ്റർ വിദേശമദ്യവും പിടികൂടി.

വണ്ടൂർ മണ്ഡലത്തിലെ പരിശോധനയിൽ 12,120 വിലയുള്ള 6 ലിറ്റർ വിദേശമദ്യവും 52 ഗ്രാം കഞ്ചാവും മഞ്ചേരിയിൽ 1.41 ലക്ഷം വിലയുള്ള 14 ലിറ്റർ വിദേശമദ്യവും രണ്ട് കിലോഗ്രാം കഞ്ചാവും പെരിന്തൽമണ്ണയിൽ 46,350 രൂപ വിലയുള്ള 18.5 ലിറ്റർ വിദേശമദ്യവും 10ഗ്രാം കഞ്ചാവും 72 ലിറ്റർ വാഷും പിടികൂടി.

മങ്കടയിലെ പരിശോധനയിൽ 3,000 രൂപയുടെ 50 ഗ്രാം കഞ്ചാവും മലപ്പുറത്ത് 9,000 രൂപയുടെ ആറ് ലിറ്റർ വിദേശമദ്യവും വള്ളിക്കുന്നിൽ 18,750 രൂപയുടെ 12.5 ലിറ്റർ വിദേശമദ്യവും തിരൂരങ്ങാടിയിൽ 900 രൂപയുടെ 15 ഗ്രാം കഞ്ചാവും ലഭിച്ചു. തിരൂരിൽ 14,700 രൂപ വിലയുള്ള എട്ട് ലിറ്റർ വിദേശമദ്യവും 45 ഗ്രാം കഞ്ചാവും കോട്ടക്കലിൽ 6000 രൂപ വിലയുള്ള നാല് ലിറ്റർ വിദേശ മദ്യവും തവനൂരിൽ 25,500 രൂപ വിലയുള്ള 17 ലിറ്റർ വിദേശമദ്യവും പൊന്നാനിയിൽ 9,000 രൂപ വിലയുള്ള അഞ്ച് ലിറ്റർ വിദേശമദ്യവും 25 ഗ്രാം കഞ്ചാവും പിടിച്ചെടുത്തിട്ടുണ്ട്.