ന്യൂയോർക്ക്: യു.എസിലെ ന്യൂ ജേഴ്സിയിൽ റിക്ടർ സ്കെയിലിൽ 4.8 തീവ്രത രേഖപ്പെടുത്തിയ ഭൂചലനം. ന്യൂയോർക്ക് സിറ്റിയിലും പ്രകമ്പനം അനുഭവപ്പെട്ടു. ഇന്ത്യൻ സമയം ഇന്നലെ രാത്രി 7.53നായിരുന്നു സംഭവം. ആളപായമോ നാശനഷ്ടമോ ഇല്ല. ഭൂചലനത്തിന്റെ പശ്ചാത്തലത്തിൽ ന്യൂയോർക്കിലെ ഐക്യരാഷ്ട്ര സംഘടന ആസ്ഥാനത്ത് നടന്ന ഗാസ വിഷയത്തിലെ സുരക്ഷാ കൗൺസിൽ യോഗം താത്കാലികമായി നിറുത്തിവച്ചിരുന്നു.