തിരുവനന്തപുരം: തോപ്പിൽ ഭാസി,കാമ്പിശ്ശേരി കരുണാകരൻ എന്നിവരുടെ ജന്മശതാബ്‌ദിയോട് അനുബന്ധിച്ച് ഭാരത് ഭവനിൽ 5 ദിന സാംസ്‌കാരിക വിരുന്നുകൾ നടത്തും.ഓർമ്മക്കൂട്ടായ്മകൾ,ഡോക്യൂമെന്ററി,തോപ്പിൽ ഭാസിയുടെ ജനപ്രിയ ചലച്ചിത്രങ്ങളുടെ പ്രദർശനങ്ങൾ,ഗാനവിരുന്ന് എന്നിവ ഉൾപ്പെടുത്തിയ സാംസ്‌കാരിക സന്ധ്യ തോപ്പിൽ ഭാസിയുടെ നൂറാം ജന്മദിനമായ 8ന് വൈകിട്ട് 5.30ന് ഭാരത് ഭവൻ ഹൈക്യൂ തിയേറ്ററിൽ ഐ.എം.ജി ഡയറക്ടർ കെ.ജയകുമാർ ഉദ്‌ഘാടനം ചെയ്യും.കാമ്പിശ്ശേരി ജന്മദിനമായ 10ന് കാമ്പിശ്ശേരി സർഗസന്ധ്യയുടെ ഉദ്‌ഘാടനവും അനുസ്മരണ പ്രഭാഷണവും ശ്രീകുമാരൻ തമ്പിയും 12ന് സമാപന സാംസ്‌കാരിക കൂട്ടായ്മയുടെയും സ്‌മൃതി ഗാനസന്ധ്യയുടെയും ഉദ്‌ഘാടനം പെരുമ്പടവം ശ്രീധരനും നിർവഹിക്കും.ഭാരത് ഭവൻ ചലച്ചിത്ര അക്കാഡമിയും വയലാർ സാംസ്‌കാരിക വേദിയുമായി സഹകരിച്ചാണ് സർഗസ്‌മൃതി നടത്തുന്നത്.