പൂച്ചാക്കൽ : സുഹൃത്തിന്റെ കുത്തേറ്റ് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന ഒഡീഷ സ്വദേശിനി റിത്വിക സാഹു (25) മരിച്ചു. പാണാവള്ളി പെരുമ്പളം കവലയ്ക്ക് സമീപത്തെ സ്വകാര്യ കമ്പനിയിൽ വച്ച് മാർച്ച് 31ന് വൈകി​ട്ടാണ് ജീവനക്കാരിയായ റിത്വികയെ ഒഡീഷ സ്വദേശി സാമുവൽ (28) കുത്തി​ പരി​ക്കേല്പി​ച്ചത്. ബൈക്കി​ലെത്തി​യ ഇയാൾ കൃത്യത്തി​നുശേഷം കടന്നു കളഞ്ഞു. നാട്ടി​ലേക്ക് കടന്ന ഇയാൾക്കായി​ പൂച്ചാക്കൽ പൊലീസ് അന്വേഷണം ഊർജിതമാക്കി. ചികിത്സയിലായിരുന്ന റിത്വിക വെള്ളിയാഴ്ച രാത്രിയാണ് മരിച്ചത്. റിത്വികയും സാമുവലുമായി അടുപ്പത്തിലായിരുന്നു. എന്നാൽ, സാമുവലിന് വേറെ ബന്ധമുണ്ടെന്ന് മനസ്സിലാക്കി റിത്വിക ഒഴിവാക്കാൻ ശ്രമിച്ചതാണ് കൊലപാതകത്തി​ന് പി​ന്നി​ലെന്ന് സംശയി​ക്കുന്നതായി​ പൊലീസ് പറഞ്ഞു.