കൊല്ലം: കേന്ദ്ര യുവജനകാര്യ മന്ത്രാലയം ദേശീയ തലത്തിൽ എറണാകുളത്ത് സംഘടിപ്പിച്ച 'യുവ സംവാദ്' ചർച്ച പരിപാടിയിൽ പാരിപ്പള്ളി യു.കെ.എഫ് എൻജിനീയറിംഗ് കോളേജ് രണ്ടാം സ്ഥാനം നേടി. എറണാകുളം തേവര എസ്.എച്ച് കോളേജിൽ നടന്ന പരിപാടിയിൽ പങ്കെടുത്ത പതിനഞ്ചിലധികം കോളേജുകളെ പിന്തള്ളിയാണ് യു.കെ.എഫിലെ വിദ്യാർത്ഥികൾ രണ്ടാമതെത്തി​യത്. യു.കെ.എഫ് എൻ.എസ്.എസ് യൂണിറ്റിന്റെ നേതൃത്വത്തിൽ വിവിധ ബ്രാഞ്ചുകളിൽ നിന്നുള്ള ആറാം സെമസ്റ്ററിലെയും നാലാം സെമസ്റ്ററിലെയും വിദ്യാർത്ഥികളായ അഭിജിത്ത്, സ്‌നേഹ, എസ്.ഡി. അലൻ, എച്ച്. ജിഷ്ണു, രാഹുൽ, അശ്വിന്ത് എന്നിവരുടെ പ്രകടനമാണ് കോളേജിന് നേട്ടമായത്. കോളേജ് എക്സിക്യുട്ടീവ് ഡയറക്ടർ പ്രൊഫ. ജിബി വർഗീസിന്റെ നേതൃത്വത്തിൽ വിദ്യാർത്ഥികളെ അനുമോദിച്ചു.