അടൂർ : പള്ളിക്കൽ ശ്രീകണ്ഠാളസ്വാമി ക്ഷേത്രത്തിലെ ആറാട്ടും ഗജമേളയും ഇന്ന് നടക്കും. കെട്ടുത്സവ ഒരുക്കങ്ങൾ പൂർത്തിയായി. ഉച്ചയോടെ കരകളിൽ നിന്ന് വാദ്യാഘോഷങ്ങളുടെ അകമ്പടിയോടെ കെട്ടുകാഴ്ചകൾ ക്ഷേത്രത്തിലേക്ക് എത്തിത്തുടങ്ങും. ആറ് മണിയോടെ എത്തുന്ന കെട്ടുരുപ്പടികൾ ക്രമപ്രകാരം കളിപ്പിച്ച് ക്ഷേത്രത്തിന് മുന്നിൽ അണിനിരത്തും.വൈക്കോൽ കതിരിൽ തീർത്ത നന്ദികേശൻ കാഴ്ചക്കാർക്ക് കൗതുകമാകും. ഈ നന്ദികേശൻ മാത്രമായിരിക്കും ക്ഷേത്രത്തിന് ഉള്ളിൽ പ്രവേശിക്കുക. 7.30 ന് ആറാട്ട് ചിറയിലാണ് ആറാട്ട്. പുലർച്ചെ 3 ന് ആറാട്ട് വരവ്, തിരുമുൻപിൽ വേല, 4.30 ന് കൊടിയിറക്ക്.