തിരുവല്ല : വധശ്രമം ഉൾപ്പെടെ ഒട്ടനവധി ക്രിമിനൽ കേസുകളിലെ പ്രതിയായ ഗുണ്ടാ നേതാവിനെ കാപ്പ ചുമത്തി അറസ്റ്റ് ചെയ്തു. തിരുവല്ല കടപ്ര വളഞ്ഞവട്ടം സീറോലാൻഡ് കോളനിയിൽ കാവിൽ തെക്കേതിൽ വീട്ടിൽ അൻവർ ഹുസൈനെ (23) യാണ് പുളിക്കീഴ് പൊലീസ് അറസ്റ്റ് ചെയ്തത്. പരുമല പള്ളി പെരുന്നാൾ സമാപന ദിവസം സംഘം ചേർന്ന് യുവാവിനെ വെട്ടി പരിക്കേൽപ്പിച്ച കേസിലെ ഒന്നാം പ്രതിയാണ് . മറ്റ് പ്രതികൾ നേരത്തെ പിടിയിലായിരുന്നു. ഇന്നലെ ഉച്ചയോടെ സി.ഐ എസ് സജികുമാർ, എ.എസ്.ഐ എസ്.എസ് അനിൽകുമാർ, സി.പി.ഒമാരായ അഖിൽ, മനോജ് എന്നിവരുടെനേതൃത്വത്തിൽ തിരുവല്ല നഗരത്തിന് സമീപത്തെ ഒളിത്താവളത്തിൽ നിന്നാണ് പിടികൂടിയത്. പൂജപ്പുര സെൻട്രൽ ജയിലിൽ അടച്ചു.