പന്തളം :കുടശനാട് പാലവിളയിൽ ദേവീക്ഷേത്രത്തിലെ പ്രതിഷ്ഠാകർമ്മം 15ന് നടക്കും പ്രതിഷ്ഠാ കർമ്മത്തിന് മുന്നോടിയായുള്ള ചടങ്ങുകൾ തുടങ്ങി. ഇന്ന് രാവിലെ ആറിന് ഗണപതി ഹോമം, ത്രികാല ഭഗവതിസേവ, 8ന് ഭാഗവത പാരായണം ,ഒന്നിന് അന്നദാനം ,വൈകിട്ട് 5 .30ന് ലളിതാസഹസ്രനാമ അർച്ചന. വെള്ളിയാഴ്ച വൈകിട്ട് ഏഴിന് ഭക്തിഗാന സുധ. ശനിയാഴ്ച രാവിലെ കലശാഭിഷേകം, വൈകിട്ട് ഭഗവതിസേവ, വാസ്തുബലി, ഞായറാഴ്ച വൈകിട്ട് ബിംബശുദ്ധി, ശയ്യാപൂജ ,ജീവകലശപൂജ. തിങ്കൾ രാവിലെ ഗണപതി ഹോമം, ബിംബവും കലശവും ശ്രീകോവിലിൽ എഴുന്നള്ളിക്കൽ. 11. 20 നും 12 നും മദ്ധ്യേ വി. പി. കുമാരൻ തന്ത്രിയുടെ മുഖ്യ കാർമ്മികത്വത്തിൽ പ്രതിഷ്ഠാ കർമ്മം. തുടർന്ന് ക്ഷേത്ര സമർപ്പണം ശിവഗിരി ശ്രീനാരായണ ധർമ്മസംഘം ട്രസ്റ്റ് ജനറൽ സെക്രട്ടറി ശുഭാംഗാ നന്ദ സ്വാമി നിർവഹിക്കുമെന്ന് രക്ഷാധികാരി വി. സോമനാഥൻ അറിയിച്ചു.