തിരുവല്ല : ലോക പാർക്കിൻസൺസ് ബോധവത്കരണ ദിനത്തിന്റെ ഭാഗമായി ബിലീവേഴ്‌സ് ചർച്ച് മെഡിക്കൽ കോളേജ് ആശുപത്രിയിൽ ന്യൂറോളജി വിഭാഗവും ഫിസിക്കൽ മെഡിസിൻ ആൻഡ് റീഹാബിലിറ്റേഷൻ വിഭാഗവും ചേർന്ന് വിവിധ പരിപാടികൾ സംഘടിപ്പിച്ചു. ആർകിടെക്ട് ജി. ശങ്കർ പൊതുപരിപാടി ഉദ്ഘാടനം ചെയ്തു. സംസ്ഥാന ഭിന്നശേഷി കമ്മിഷണർ എസ്.എച്ച് പഞ്ചാപകശേൻ വിശിഷ്ടതിഥിയായി. ബിലിവേഴ്സ് ചർച്ച് മെഡിക്കൽ കോളേജ് ഹോസ്പിറ്റൽ ഡയറക്ടറും സി.ഇ.ഒയുമായ ഡോ.ജോർജ് ചാണ്ടി മറ്റീത്ര അദ്ധ്യക്ഷത വഹിച്ചു. ന്യൂറോളജിസ്റ്റ് ഡോ സുജിത് ഒവല്ലത് ക്ളാസെടുത്തു.മെഡിക്കൽ സുപ്രണ്ട് ഡോ.ജോംസി ജോർജ്‌, ന്യൂറോളജിവിഭാഗം മേധാവി ഡോ.ജോൺ കെ.ജോൺ, ന്യൂറോളജിസ്റ്ര് ഡോ.അനിൽകുമാർ ശിവൻ, പി.എം.ആർ വിഭാഗം മാനേജർ ബിജു മറ്റപ്പള്ളി, റവ.ഫാ തോമസ് വർഗീസ് എന്നിവർ പ്രസംഗിച്ചു.13 ഭിന്നശേഷിക്കാർക്ക് സൗജന്യ വീൽചെയർ വിതരണം നടത്തി. സൗജന്യ രക്തപരിശോധനയും വൈദ്യസഹായവും നൽകി.