തിരുവല്ല: എസ്.എൻ.ഡി.പി.യോഗം 93 -ാം തിരുവല്ല ടൗൺ ശാഖയുടെ ഗുരുദേവ ക്ഷേത്രത്തിലെ 16-ാംമത് പഞ്ചലോഹ വിഗ്രഹ പ്രതിഷ്ഠാദിന താലപ്പൊലി മഹോത്സവത്തിന് കൊടിയേറി. ശിവഗിരി മഠത്തിലെ സ്വാമി വിശാലാനന്ദ, തന്ത്രി വെളിയനാട് സന്തോഷ് തന്ത്രി, മേൽശാന്തി സുരേഷ് ശാന്തി എന്നിവർ കൊടിയേറ്റിന് കാർമ്മികത്വം വഹിച്ചു. ശാഖാപ്രസിഡന്റ് സന്തോഷ് ഐക്കരപ്പറമ്പിൽ, സെക്രട്ടറി പി.എൻ.മണിക്കുട്ടൻ, വൈസ് പ്രസിഡന്റ് ശ്യാം ടി.ചാത്തമല എന്നിവർ പങ്കെടുത്തു. തുടർന്ന് കൊടിയേറ്റ് സദ്യ, വൈകിട്ട് തിരുവാതിര, നാടൻപാട്ട്, കരോക്കെ ഗാനമേള എന്നിവ അരങ്ങേറി. ഇന്ന് രാവിലെ വിശേഷാൽ പൂജകൾ 11.5ന് യൂത്ത്മൂവ്മെന്റ് കേന്ദ്രസമിതിയംഗം ബിബിൻ ഷാൻ പ്രഭാഷണം നടത്തും. ഒന്നിന് ഗുരുപ്രസാദ വിതരണം, വൈകിട്ട് 7.30ന് നൃത്തസന്ധ്യ. 18ന് രാവിലെ 11ന് കോട്ടയം ഗുരുനാരായണ സേവാ നികേതനിലെ ആശാ പ്രദീപ് പ്രഭാഷണം നടത്തും. ഒന്നിന് അന്നദാനം, 3.30ന് സരസ്വതീപൂജ. 7.30ന് കൈകൊട്ടിക്കളി. 8.15ന് സംഗീതസദസ്. 19ന് രാവിലെ 11ന് കുടുംബയോഗങ്ങളുടെ നേതൃത്വത്തിൽ പ്രാർത്ഥനായജ്‌ഞം. ഒന്നിന് പ്രസാദവിതരണം. വൈകിട്ട് ഏഴിന് മാജിക് ഷോ. 20ന് രാവിലെ 9ന് കലശപൂജ. തുടർന്ന് കലശാഭിഷേകം.12ന് മഹാനിവേദ്യം. ഒന്നിന് സമൂഹസദ്യ. 6.45ന് താലപ്പൊലി ഘോഷയാത്ര യോഗം ഇൻസ്‌പെക്ടിംഗ് ഓഫീസർ എസ്.രവീന്ദ്രൻ എഴുമറ്റൂർ ഉദ്ഘാടനം ചെയ്യും. 9.30ന് നാടൻപാട്ട്.