തിരുവല്ല: കുഴിവേലിപ്പുറം തെക്കേക്കര മാടപ്പള്ളിക്കാവ് ഭഗവതി ക്ഷേത്രത്തിലെ പത്താമുദയ മഹോത്സവത്തോടനുബന്ധിച്ച് ദേവീഭാഗവത നവാഹയജ്ഞത്തിന്റെ ഭാഗമായി ഉണ്ണിയൂട്ട് നടത്തി. തന്ത്രി എം.എൻ.ഗോപാലൻ തന്ത്രിയും മേൽശാന്തി കെ.പി. പ്രസാദ് ശാന്തിയും മുഖ്യകാർമ്മികരായി. ഇന്ന് രാവിലെ 10.30ന് പാർവതീസ്വയംവര ഘോഷയാത്ര. രാത്രി 9ന് നാടകം. നാളെ രാവിലെ എട്ടിന് പന്തീരടിപൂജ വൈകിട്ട് ഏഴിന് സർപ്പംപൂജ, 9ന് താലപ്പൊലി എഴുന്നള്ളത്ത്. 22ന് രാവിലെ 10.30ന് മഹാമൃത്യുഞ്ജയഹോമം, രാത്രി 9.30ന് പള്ളിവേട്ട പുറപ്പാട്. 23ന് രാവിലെ 11ന് പാരായണ സമർപ്പണം തുടർന്ന് അവഭൃഥസ്‌നാനം 12ന് മഹാപ്രസാദമൂട്ട്. രാത്രി 7.15ന് ആറാട്ട് പുറപ്പാട് 7.30ന് താലപ്പൊലി എഴുന്നള്ളത്ത്. 10ന് ആറാട്ട് 10.30ന് ആറാട്ട് എഴുന്നള്ളിപ്പ്, കൊടിയിറക്ക്. ഗുരുതി.