റാന്നി : അത്തിക്കയം - റാന്നി റോഡിൽ വില്ലേജ് ഓഫീസിനു സമീപത്തായി വീടിന്റെ സംരക്ഷണ ഭിത്തി റോഡിലേക്ക് ഇടിഞ്ഞുവീണത് അപകടാവസ്ഥയ്ക്ക് കാരണമായി​. റോഡിന്റെ വീതി കൂട്ടാനായുള്ള പ്രവർത്തി​കൾ നടന്നുവരി​കയായി​രുന്നു. കഴി​ഞ്ഞ ദി​വസം പെയ്ത മഴയി​ലാണ് ഭി​ത്തി​ തകർന്നത്. ​ സംരക്ഷണഭിത്തി ഇടിഞ്ഞതോടെ വീടിന്റെ അടിത്തറ കാണാനാകും. കുത്തിറക്കവും വളവുമുള്ള പ്രദേശത്ത് റോഡിലേക്ക് വീണുകിടക്കുന്ന കല്ലും മണ്ണും വാഹന യാത്രക്കാർക്കും ഭീഷണിയാണ്. രാത്രി സമയങ്ങളിൽ ഇവി​ടെ അപകടമുണ്ടാകാൻ സാധ്യതയേറെയാണ്. സംരക്ഷണഭി​ത്തി​ പുനർനി​ർമ്മി​ച്ച് അപകടം ഒഴി​വാക്കണമെന്ന് ആവശ്യം ശക്തമാണ്.