പത്തനംതിട്ട : പത്രപ്രവർത്തകനും അദ്ധ്യാപകനും നടനും എഴുത്തുക്കാരനുമായ പ്രൊഫ.കെ.വി.തമ്പിയുടെ പേരിൽ പ്രൊഫ.കെ.വി.തമ്പി സൗഹൃദവേദി ഏർപ്പെടുത്തിയ മികച്ച മാദ്ധ്യമ പ്രവർത്തകനുള്ള പുരസ്‌കാരം മംഗളം ദിനപത്രം സ്‌പെഷ്യൽ കറസ്‌പോണ്ടന്റും പ്രസ് ക്ലബ് ജില്ല പ്രസിഡന്റുമായ സജിത് പരമേശ്വരന് നൽകുമെന്ന് സെക്രട്ടറി സലിം പി.ചാക്കോ അറിയിച്ചു.
കടവനാട് കുട്ടി കൃഷ്ണൻ അവാർഡ്, സംസ്ഥാന മാദ്ധ്യമ പുരസ്‌കാരം, സംസ്ഥാന സർക്കാരിന്റെ ജൈവ വൈവിദ്ധ്യ ബോർഡ് അവാർഡ്, ഫാ.കൊളമ്പിയർ അവാർഡ്, വി.കെ.കൃഷ്ണമേനോൻ പുരസ്‌കാരം, വിവേകാനന്ദ വിശ്വകീർത്തി പുരസ്‌കാരം , കേരള ശബ്ദം കൃഷ്ണസ്വാമി പുരസ്‌കാരം, എറണാകുളം പ്രസ് ക്ലബിന്റെ സി.വി.പാപ്പച്ചൻ അവാർഡ്, അക്ഷര ശ്രീ പുരസ്‌കാരം, ജനകീയ സമിതി മാദ്ധ്യമ അവാർഡ് എന്നിവ അടക്കം 23ൽ പരം പുരസ്‌കാരങ്ങൾ ലഭിച്ചിട്ടുണ്ട്. പന്തളം എൻ.എസ്.എസ് ഹൈസ്‌കൂൾ അദ്ധ്യാപിക ചെങ്ങന്നൂർ ആലാ ശ്രീനിലയത്തിൽ ശ്രീലതയാണ് ഭാര്യ. മകൾ ഗംഗ (യു.കെ). ജൂൺ ആറിന് പത്തനംതിട്ടയിൽ നടക്കുന്ന പ്രൊഫ.കെ.വി.തമ്പി
അനുസ്മരണ സമ്മേളനത്തിൽ പുരസ്‌കാരം വിതരണം ചെയ്യും.